ألفن أولف صاحبي داعج العين
اللي خذا قلبي وسيطر عليه
والبا بلاني حبها والبلا شين
ماظنتي لي عندكم قابليه
والتا تمركز حبها بين ضلعين
يافرق حبه عن جميع البريه
والثا ثقل حبه ورجح موازين
فيه الدلع مدموج بالعنجهيه
والجيم جاني علم عند الموالين
من عقب ذاك العلم لالي وليه
والحا حروف أسمه بدا بأوله شين
عزم على الفرقا وعيني شقيه
والخا خذيت النوم والناس ممسين
ياحظ عينك نايمه مهتنيه
والدال دار الزين دار السلاطين
يعني مكانه وسط نجد العذيه
والذال ذقت المر من منبع التين
والله مالك حل يعني قضيه
والرا رماني حبها بالميادين
للحرب جيش وللعزاوي حميه
والزا زهمتك واحتمت بين قلبين
صدك حرام و زايد الهجر سيه
والسين سقت الرجل مدري على وين
دن الهجوس ودنت الهاشميه
والشين شفت الموت بسبابك الحين
البعد رمضة قيض والقرب فيه
والصاد صابر لجلكم أربع سنين
أربع سنين وزود كيه بكيه
والضاد ضقنا وأفترقنا مساكين
ياليتني وياك صبح وعشيه
والطا طرات العمر سيد المزايين
لاصار عندي زانت المعنويه
والظا ظنوني خايبه يالملبين
ماعاد لي بالحب روحه وجيه
والعين عارف وش ورا الحب بعدين
فرقا ولا غير المفارق بليه
والغين غروك وتغيرت يازين
عذالنا قوم النفوس الرديه
والفا فمان الله ترانا مقفين
وأصبح وصالك والموادع سويه
والقاف قامت فوق راسي شياطين
هاجوس عن بعض الهواجيس حيه
والكاف كني طير دون الجناحين
وشلون بكفخ ياجميل السجيه
واللام ليتك تعرف الحال وتلين
ياواسمن قلبي سوات المطيه
والميم مرينا ديار المضانين
ياويل حالي يالغصون النديه
والنون ناس تحب وانتي تخونين
ياطير ماتوصل لنجم الثريه
والها هويت ولا لقيت المحبين
يوم الولايف بينهم مقدريه
والواو وينك يالغلا والغلا وين
تبقا المحبه بين الاحباب حيه
واليا يقولون الجفا يعمي العين
خلاص أبهديلك عيوني هديه
العرض العادي
