( بقايا ذكرى قديمه )

عـابـر سـبـيـل · 31-10-2002, 03:46 AM

في صمت وحدتي .. تنبثق اضاءات نحو صحراء ظلمتي ..

تزداد معها نشوة فرحي .. وتتراقص معها نغمات قلبي ..

ونبض الحياه يتجدد .. ولم تكن تلك الاشراقات الا ابتسامة من ثغرك !!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

اهداب غارقه في الدموع .. اوراق باليه .. وبقايا ذكرى قديمه ،

امل اندثر في الزمن الحزين .. اشواق ذابت في مسافات الحزن ..

واحلام تعصف بها رياح الواقع .. هذا مالدينا بعد فراقنا !!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

تفرقنا الايام .. وترحلين وابقى وحدي .. تبعثر الاحزان حلمنا ..

نسلك الدروب بحثا عن امل لموعد يتجدد فيه لقائنا ..

نبحث في لحظات العمر وبين طيات السنين ..

ورود الاشواق تنمو في مساحات بعدنا ..

ونظل نبحث .. وينتهي حلم ترعرع في احظاننا ..

وتمضي الايام ولا نلتقي !!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

يامن زرعت الحب بقلبي .. ونثرت عبير شذاها في فضاءات اشواقي ..

اروي فؤادي من ينابيع همسك الدافي ..

خذيني من احضان حزني الدايم ..

يامن اضاءت آفاق وحدتي ومنحتني دفء الربيع لا ترحلي .

هذا وتقبلوا تحيات اخوكم ( عـابـر سـبـيـل .

سيدة الحروف · 31-10-2002, 04:11 AM

][] اخــــي الــــعــــزيز[][ ---- [][]}}} عابر سبيل {{{[][]

يعطيك الف عافيه الخاطره رائعه و كلمات معبره وسطور قلم مبدع .....

عزيزي فعلا كلمات حلوووووووه ولكن سطور الخاطره ونبض حروفك

جلعت اقول لك الف الف شكر وصح لسانك

ولك الشكر الاحترام الى قلمك المبدع هذه الكلمات

المتوضعه ولكنها لاتعطي كلماتك حقها بل تقف عاجزه عن وصفها

... ربي يحفظك ... ولاتحرمينا من تواصلك وجديدك ....

وتقبلي فائق احترامي وتقديري .سابين سيدة الحروف

عـابـر سـبـيـل · 31-10-2002, 04:18 AM

الاخت العزيزه / سابين .

أشوف ردك على الجميع نمط واحد ماتكلفين على نفسك . تقصين وتلصقين .
بسيطه .

المهم اني مااحب احد يكلمني على اني حرمه .

وسلامه تسلمك وياهلا ومية هلا .

تحياتي ( عابر سبيل .

~الرصاصي~ · 31-10-2002, 04:22 AM

هلا وغلا عابر
كيف الحال
اشالله بخير
وان شالله انك انت اللي في بالي

بس انا اشك انه موب انت عابر اللي انا اعرفه ما يعرف شي اسمه غزل بس اللس قاعد اقراه افففففففففففف كلم ولا بالاحلام

على كلن وانا خوووووووووووك حياااااااااااك معانا

وبصراحه كلامك روعه

ناطر الرد

اخوك الرصاصي

عـابـر سـبـيـل · 31-10-2002, 04:39 AM

هلا ومية هلا اخوي / الرصاصي .

انا بخير ياعساك بخير وطيب .

اكيد ماني اللي في بالك وآمل انه مايكون فيه احد بهذا الاسم .

وبعدين انا مااتغزل .

انا اكتب احاسيس . وخواطراشوفها قريبه مني .

هذا كل شي .

هذا وتقبل فائق احترامي .

اخوك / عابر سبيل .

~الرصاصي~ · 31-10-2002, 05:02 AM

ان اللي لي الشرف بعرفتك والله

بس يا خوووووووووك فيه واحد شرواك وشروا من يقرا هالكلام لقيته في الشات وبصراحه عزيزته كثير وانفقطع عني قلت يا ولد امكن هذا هو

ولا والله ترى معرفتك يا الرجال ماتزيدني الا شرف

تقبل تحياتي الخالصه

الرصاصي