(مواقف مضحكه)------> كل واحد لازم يشارك يالله تحركوا ليه جالسين

[نسمة هوى]

الصراحة مواقفكم كلها حلوه وتموت من الضحك
وأنا عندي موقف بس مدري عنه هو موقف يضحك أو موقف يبكي..
المهم ..
كنت أنا وزوجي طالعين رايحين الجبيل .. والسيارة كانت ... الله لا يوريكم .. يعني السيارة عدم .. الزجاجة الامامية اللي جنبي ما تفتح .. والمكيف خربان .. والجو حار يفطس .. المهم عاد .. يوم ذبحني الحر كان أقول لزوجي شغل المكيف .. قال لي السيارة ما تتحمل .. بس أنا أصريت لأني باموت من الحر.. والغطوة اللي على وجهي صارت مثل البلاسيتك ما أقدر أتنفس..
الرجال سمع الكلام وقال زين بس تتحملين اللي راح يجيك .. قلت له ماعليك ..
يوم شغله .. بس خمس دقايق .. كان اشوف الدخان يملي السيارة .. وشوي الا هو سافط السيارة في وسط الشارع .. وقعد يصارخ السياااااااااااااااااااااارة راح تنفجررررررررررر
حاولت أفتح الباب .. والباب مارضي يفتح .. حاولت أفتح النافذة إلا وهي عييت تفتح .. إيش أسوي .. درت إلى زوجي أبغاه يشوف لي صرفه ..
تدرون ويش اللي صار ..هههههههههههههههههه
لقيت زوجي شايل طرف ثوبه في فمه .. وهو يراكض بالشارع .. وانا وحدي مع ولدي الصغير .. يابن الحلال تعال خذني .. على الاقل خذ ولدك .. قال ياروح ما بعدك روح .. حاولي أنتي تطلعين منها .. هذه سواتك..
بس شسوي وين أروح وين أولي.. شوي إلا وأنتبه للباب اللي جنبه .. واخذها فرصة واطلع مع أبني .. وأنا أرتجف من الخوف ..
تصدقون أنا ويش سويت من الخوف لما طلعت من السيارة بالسلامة ..
قعدت اضحك .. أضحك .. أضحك .. يعني ضحكة هستيرية .. حتى وصلت البيت .. وزوجي يقول لي أسم الله عليك .. إيش فيك تضحكين ..
قلت له ولك عين بعد تسأل ..

وتصدقون السيارة بعدين ويش صار فيها ..
ما انفجرت ولا شي .. بس الوايرات هي اللي شبت..
ومنها .. أصريت انه ياخذ سيارة جديدة ..

هذا اللي صار معي .. وسلااااااااااااااااااااااااااااامتكم:( :p :D