عجيبه هالدنيا عجيبه

[سديم]

_ عجيبه انك تشوف بنت موظفه تحب واحد من الشباب تدفع فواتير تلفونه وتشتريله الهدايا (في الغالب اغلى تلفون في السوق ) ومع هذا تكون النهايه ان الشاب الفي يخليها ويروح يتزوج بنت ثانيه يصرف عليها دم قلبه !!

_ عجيبه من محل يبيع زجاجه عطر بمائه ريال لاحد المواطنين بينما يبيع نفس الزجاجه بعشرين ريال لاحد المشترين الهنود !!

_ عجيبه لما تشوف اثنين شباب في محل لا بيع سوى الملابس النسائيه الداخليه !!

_ عجيبه لما البنت تريد ان تتحجب بينما الام تقول لها: شيلي الحجاب عشان يشوفون هذا الجمال الرباني !!

_عجيبه من بيت يعيش فيه رجل وامرأة وثلاثه اطفال وخدامتين وسائق وحارس ومزارع وطباخ !!

_ عجيبه لما تشوف حرمه (عجوز شمطاء) والكحله من الاذن للاذن والروج (روجعيد الحب)والعطر (مخلط كمبودي) والمشيه (شيء) والمصيبه ان الملف في المستشفى يثبت انها مصابه بالضغط والسكر وتصلب الشرايين و.. و.. !!



..تحياتي ..
:)

[××دمـ ألم ـعة××]

والله صدقت اخي الكريم سديم

بارك الله فيك علي هذا الموضوع


تحياتي لك

[ريانة العود]

يعطيك العافية على هل الموضوع الحلو ..


وايوة الله عجيبة والله هل الدنيا عجيبة ..


تحياتي لك ..

;)

[سديم]

يسلموووووووو اختي جوريه الود ..

<<<<<<<<<<< بس على فكره تراها بنت سديم = بنت

..تحياتي..
:)

[××دمـ ألم ـعة××]

<<<<<<<<< وجهي عطي الوان الطيف من الاحراج


اسفه سدومتي تسلمين حبيبتي

[سديم]

مشكوووووره ريةنه عنوني على مرورك للموضوع ..

جوريه الود حبيبتي ليه الاحراج تمونين يالغاليه

ههههههههااااي :D

[الفـــــارس]

والله مو غريبه
في الزمن هذا توقع كل شئ
مادام الام راضيه على مصايب بنتها والاب ساكت عن بلاوي ولده
فاغسلوا ايديكم مررررره وحده

مع تحيات

الفارس

[طفشان العبيط]

تشكرين على الموضوع أخ سديم....اقصد اخت سديم

والدنيا مليانه عجايب... وعلى قولة الشاعر المصري..وياما حنشوف يا حنفوش...

ومن باب المشاركه....



-عجيبه تشوف واحد من الشباب واقف يتضارب مع الخياط لأن الخياط عنده دفتر يسجل فيه المقاسات والأسعار بالتسلسل والحبيب يريد الرقم اللي تكون فيه مقاساته يكون رقم مرتب(يعني مميز) !!

-عجيبه لما تشوف واحد من الشباب يرجع من أمريكا يشغلونه مدير قسم مع امتيازات ما يحلم بها رئيس أي دولة ثانية في العالم وواحد ثاني يدرس في جامعة بلاده ( يعفن ) في البيت وآخرتها ما يشتغل إلا بعد ما يمسحون بكرامته الأرض !!

-عجيبه من أم خليجية متعلمة ويبدو أنها مثقفة جالسة مع زوجها وأطفالها في كنتاكي وتشوفها تتكلم في التلفون بلهجه خليجية قحة وعلى الجانب الآخر تكلم العيال بلغة انجليزية أمريكية فصحى ... صحيح أنها امرأة عصرية ..!!

-عجيبة أنك تشوف وقت أذان المغرب كل الناس رايحين باتجاه المسجد ماعدا اثنين جايين في الاتجاه العكسي يضحكون ويسولفون وكأنهم مش حاسيين بأي اختلاف بينهم وبين غيرهم !!

-عجيبه أنك تشوف الدنيا كلها تقوم ولا تقعد لأن المسلمين يذبحون الخرفان والأبقار في عيد الأضحى بينما يسكت الجميع عندما يرتكب الهندوس واليهود أكبر المذابح ضد المسلمين وعلى مدار العام !!

-عجيبه لما تشوف شرطي يعطي مخالفة لأحد سائقي التكاسي وبعين باردة لأنه يقف في الممنوع بينما تقف أمام التاكسي مرسيدس بودمعة وتقف في ( أم الممنوع ) ولا يكلم سائقها أحد !!


-عجيبه من ولد يرسب في الصف الثالث الإعدادي ثلاث مرات متتالية وفي كل سنة لا تخلو الشهادة من خمسة كعكات ومع هذا يقول أنه كان يدرس باجتهاد !!

-عجيبة أن أحد الدكاترة المثقفين يضرب ولده بقوة ( بكوس + دوس في البطن + شلوت + عض + ضرب خيزران + العقال أحياناً ) ومع هذا يذهب نفس الرجل ليلقي محاضرة في كيفية تعامل الآباء مع الأبناء !!

-عجيبة تلك المرأة التي تعلم أن زوجها عليه أقساط الزواج الميمون وأقساط السيارة وأقساط الأثاث وإيجار البيت ومصاريف الماء والكهرباء وإيجار التلفونات وأغراض البيت ومصاريف علاج الشيبة وراتب السواق ومعاش الخدامة و .... ومع هذا تريد تفصل ثوب مغربي بألف وخمسمية ريال!!

-عجيبه من شاب يلبس النظارة الشمسية دائماً بعد صلاة المغرب ويمشي في الشارع من غير هدف واضح !!

-عجيبه لما تشوف دايماً في شوارع الحارة سيارة تمشي من غير سائق وعندما تدقق أكثر في السيارة ترى يدان صغيرتان تقبضان المقود ( ياهل يتعلم السواقة ) !!

-عجيبه منتخب يخسر بالخمسة والستة ودائماً يكون أدائه ضعيف ومهزوز وهجومه جبان ووسطه مقطوع ودفاعه شوارع للمنتخبات الأخرى ومع هذا قبل كل مباراة تقول الصحافة اليوم هو يوم ((( نجوم ))) منتخبنا الوطني .... هل سمعتم عن الثقوب السوداء !!


آآآآآآآآه عجيبة هالدنيا .. والله عجيبة !!



وسلامي للكل


[gl]العبـــــــيـــط[/gl]