( يالـي تقول ان الفقــر عيب رجــال )

[سعد العصيمي]

[poet font="Simplified Arabic,4,indigo,normal,normal" bkcolor="transparent" bkimage="backgrounds/17.gif" border="groove,8,indigo" type=0 line=200% align=center use=ex length=0 char="" num="0,black" filter=""]
ياللي تقول ان الفقر عيب رجال=هرجك ترا ماطاح راسي وهزه

وان كان بعض الناس يفخر بالاموال= حنا افتخرنا بالوفا والمعزه

صحيح فقران رفيعين منزال=وكلن يسابق للعلم من يرزه

ومن طبعنا نكرم ولو مابه ريال =وتلقا المراجل عندنا كل حزه

ايلا لفانا الضيف له فال وعقال =ويلقا مع الترحيب طيب وفزه

يوم ان بعض الناس تاجر ولاطال=من العلوم الطايله كبر رزه

قال المراجل نسفة شماغ وعقال=ماهمه الا قولة فلان رزه

وحنا لك الله نبذل المال والحال =ورجالنا كل غدا الطيب رمزه

مهما تقول ان الفقر عيب رجال= فقير حال مغتني بالمعزه


[/poet]

اخي المستشار
صح لسااااااااانك ويعطيك العافية
قصيدة رائعة تشكر عليها وتحياتي
لك اخوك متأمل خير