حِـــلـــم
البارحه من عالم اشواقي صحيت
مدري انا قد نمت والا في سهرر
احلم وكنّي وسط روض وفيه بيت
وذا الحلم شفته قبل اكثر من شهر
بيتٍ وانا من حول اسواره مشيت
له جلسةٍ تشرف على شط ونهر
غصبه وقفت وفوق اسواره رقيت
شفت الغصون المثمره ورد وزهر
في وسطها ظبيه لها سمعه وصيت
بنت الشيوخ بها عقلي انبهر
ناديتها يابنت انا توّي لفيت
كنت انتخي بإسمك انا سر وجهر
ضحكت وانا اللي فرحتي منها بكيت
لن الظبي من غيبته بان وظهر
ياليتني مصحى من الغفوه وليت
ابقى انا في حلمه شهور ودهر
والمشكله إني عقب شوفه صحيت
أحدٍ صحى في خاطره ضيق وقهر؟
العرض الشجري
