سلام الله على من جا يهني
يعايدني وفي عيد الضحيّه
عقب عامٍ مضى فيه إمتعنّي
يسوقه عُذر ماقد صار فيّه
هلابك ظالمٍ فوق إمتجني
هلا لو زدتني فالقلب كيّه
نسيت اللي حكيته يوم عنّي
لأ ني ناسيٍ كل القضيّه
اعيش وبين كل الناس كنّي
اعيش إبدنيتي عيشه هنيّه
تمر إسنين عمري اللي مضنّي
وانا ساكت ولا ابديت الشكيّه
اعد إطعون في ظهري إذبحنّي
واظن اللي حصيته فوق ميّه
وانا صابر وهذا الصبر فنّي
وسيع البال واعصابي هديّه
تمر شهور وسنين ويجِنّي
طواري ماضيٍ ماهي بحيّه
واخايلها وانا اضحك غصب لأني
ابا انساها وانا نفسي نقيّه
العرض الشجري
