أبكي وعيني تسهر الليل ياريم
مدري بلاها الشوق ولا الظليمه
ياريم دمع العين ماأدري على الريم
ولاعلى قلب تواكل صميمه
تقول لاطمني على نونها سيم
أبكي وعندي لزرق الدمع قيمه
يمكن يكون الدمع للعين تكريم
ويمكن يكون لها عذاب وجريمه
والله يلولا دمعة كأنها الديم
رآحت ضلوعي من عذابي حطيمه
دام البكا ياريم مافيه تحريم
يعنك والله لرخص الدمع شيمه
وأبكي على حالي من الوجد وأهيم
لين الزمن يخلف علي نسيمه
ابكي حياتة صافيه مابها غيم
وين المحبه والقلوب والسليمه
أبكي قهر وابكي من الغبن والظيم
وأبكي من طعون (ن) بقلبي قديمه
أثر الزمن خلاه وجهي مراسيم
ومايذبح الرجال مثل الهزيمه
بعض المصايب شرها ياكل الهيم
وشلون بسبود الرجال الكريمه
وبعض المصايب يخلفن المفاهيم
تبقى على ماقيل صبر وعزيمه
مظلوم بالدينا وغيري مظاليم
من عرض ناس لبوسهم جريمه
ماعاد ابي من سود الأيام تعليم
عقب العذاب اللي كلاني جحيمه
لو تصفي الدنيا عليا الملازيم
ماعاد أدور من وراها غنيمه
العرض الشجري
