مدونة الحب والغرام

[شاعرقلوب]

علقت قلبى بصوت رنه

من قد ايه انا بستنى..
وأنت مواعدنى على رنه..
وغاب وجودك..
ماسمعت صوتك..
ولا جالى منك ولا رنه..

عشمتنى ليله وتسأل..
تكون ظروف ولا بتتقل..
أبعت وقوللى..
فاكرك تمللى..
أنا كل ليله بتمنى..

ياترى ايه مانعك عنى..
من أمتى كنت بتهملنى..
الظن والشك قاتلنى..
والغيره عاميه وبتقولى..
بالوهم بحلم والجنه..

صعبان عليك توفيلى ميعاد..
حتى ان كان حبه رنات..
اول ماتبعد تنسانى..
مين اللى بيحبك تانى..

معقوله ح تسيبنى استنى..

وانت تاعبنى بصوت رنه..
لا ترنهالى تريحنى..
ولا انت تيجى تفرحنى..

من قد ايه وانا بستنى..
علقت قلبى بصوت رنه