وينكم يامواليد 1400هـ /شوفو ايام زمان للبنات والاولاد

بدون زعل · 19-09-2002, 06:25 AM

وينكم يامواليد 1400هـ /شوفو ايام زمان للبنات والاولاد

زمان الله على يااااااااااااام زمان

ياناس تعالو نشوووووووف ا يام زمان

- زمان كان الشاب الى يغازل ...ينقزون عشره فى حلقه يطقونه ويربونه ....
اليوم عشره يلاحقونه .....يشجعونه .....يشاركونه ....ويطاردون الضحيه معه ...

- زمان كانت الى تمشى بالسوق والعبايه على كتفها هى الى تلفت الانظار ....يقال ... ياستر الله ويش ذى الفاصخه ...
اليوم الى تمشى والعبايه على راسها هى الى تلفت الانظار .... يوووووه ياهى رجعيه ...ياهى شكلها يفشل....

والعبايه المخصره او عباية السهره حقة بنات اليوم
وخصوصا لا جتك العبايه مخصره وشفافه تتطاير مع نسائم الهواء العليل ...كانها فستان وحده من هالمغنيات فى واحد من هالفيديو كليبات ..... لا ومبطنه الوان ...شيئ اخضر وشيئ احمر ....وشيئ الله واعلم وايش هو لونه ...

- زمان كان الشباب يعملون المستحيل علشان يرقمون من غير ماحد يلاحظهم او يشوفهم ...يرقمون وقلوبهم مخلوعه من مكانها من الخوف ..
اليوم الشباب يتفننون فى طرق كتابة ارقام هواتفهم ...و جوالاتهم ...
لا ويكتبونها عند خطاط .... وبمختلف الاحجام والالوان وحتى لو كانت اللوحه كبر باب بيتهم ......المهم يوصل للهدف ..... والى ما يشترى يتفرج ...

واليوم ...البنات هم رواد المطاعم وبالعشرات .... ساره ومريم ومرام وريم تواعدوا بعد المدرسه يتغدون مع بعض فى الفيصليه ....والمناسبه ....ياربييييييي ....عيد ميلاد تغريد ....
والمرافق السواق ...كومار ....
ايه كومار مننا وفينا وخلاص صار واحد من العيله ...
والجرسونات فى المطعم (على قولة اخوانناالشوام )...حسام....وائل....
وامجد ....ماهم مقصرين ...مجهزين الطاوله ....وسطها بعد ورده حمره .
ويمكن مع الحماس غنوا لتغريد ....سنه حلوه ياجميل ...سنه حلوه ياتغريد .... وخصوصا لا كانت تغريد من الى اشباههم تطيح الصقر من السماء . (دقق على الصقر )

- زمان كان الواحد لا راح مطعم ....قدر يلقى له ركن صاد ومستور ياخذ راحته فيه مع اهله ......
اليوم لا دخلت المطعم ...تقول داخلن صاله افراح ....الطاولات مصفوفه جنب بعضها وكنك فى مطعم من مطاعم لندن....ويلا يازين طب وتخير ..
والى جنبك صاير كنه جالس بحلقك موب على طاوله ثانيه ...

- زمان فى نهاية الاسبوع ....ما تلقى لك ماطى رجل فى الثمامه .....
والشباب متجمعين هنا وهناك ...كشتات ووناسه ...مخيمات.....وقمره
ونار حطب....
اليوم الشباب فى عطلة الاسبوع تلقاهم فى مقاهى الانترنت .....ويروح ليل ويجي ليل ...وسعود وحمد وصالح ....مقابلين هالاجهزه ...وسعابيلهم تقطر مع ان الى يسحب فيهم ...تمساح مثلهم

-
- زمان كانت بنات المتوسط يلعبون بالعرايس القماش ....وان بالغوا فى حركات المراهقه ......حطوا فى ايدينهم مناكير ....
اليوم بنت المتوسط ....تمشى وفى ايدها اليمين جوال ....وفى ايدها الشمال شنطة مكياج ...وتلعب بعرايس من لحم ودم ....

زمان كان جدارك لصيق جدار جارك ....ولا ونيت .... ولا قلت اه اه اه صار جارك ابو فلان .... بخمس دقايق واقف عند بابك ....ويقول سلامات ...
اليوم جدارك (جدار حديقتك ) صار لصيق لحجرة السواق الى فى حديقة جارك والى ماتدري ويش يقاله ....مع انك تصلى معه الفروض فى المسجد ...واحيانا يكون مصلى على يمينك ....

-
- زمان كانت اسواقنا ....اسواق ....ندخلها علشان نتفرج على المعروضات ....
اليوم اسواقنا هى صالات عرض كبيره ندخلها علشان نتفرج على عروض حيه وعلى الطبيعه ....لاخر موضات الازياء ....واخر الصرعات فىكل شيئ ....
الغزل ....الجوالات ....المكياجات ....الشخصيات .... للشباب والبنات
بدون زعل والصراحه ماتزعل واعتبروها احلام من المجهههههول

انا مرزوقة · 19-09-2002, 06:37 AM

اااخ يا ايام زمان يا بدون .... من جد فتحت موضوع ! ما ينتهي الحديث فيه !

و المجهوول هذا اللع يعطيه العافيه .. يطلع اللي في القلب و الله !

مشكوور يا اخ بدون و يعطيك العافيه

و الله يصلح بناتنا و شبابنا ..... و يستر عليهم

-------------------------تحياتي :)

بدون زعل · 19-09-2002, 07:06 AM

راحت ايام البساطه

وجت ايام التفاخر بدون شيء

الواحد يعمل حاله هاي وهو باي

تحياتي لك مرزوقه

انا مرزوقة · 19-09-2002, 07:10 AM

ايه و الله يا بدون ... تذكر مره لما علقت و قلت لك ان الاغلبيه الحين كأنهم هذول

اللي يرشووون اغلى ( مو احلى ) انواع العطووور على وساخه

لا نظاف و لا متروشين و لا شي !

يعني ( و الله يكرم الجميع) الريح مخلووطه عرق+ عطر

هذا ينذب بالزباله بدون تفكييير !

بدوووون ...... ما ضبط الت......

الدر المنثور · 19-09-2002, 07:33 AM

أولا تشكر بدون زعل موضوع يجنن
ثانيا مرزوقة كل ذي عيون ........
ما أحلى زمان وأيامه ......
وهذا زمن الفتن يا أخوان كقطع الليل المظلم ...... الله يكفيكم شرها

بدون زعل · 19-09-2002, 07:39 AM

تحياتي لك الدر المنثور
يازين ايام زمان

والف شكر على حسن ردك

موفق

انا مرزوقة · 19-09-2002, 07:41 AM

مشكوور يالدر المنثوور على الرد <-- ملقوفه كنه موضوعها الحين

و اما عن العيون ... لازم عيوني تصير كبيره عشان اشوف بدون اذا جاء يسرق فسحتي !

و حياك معانا يالدر

بدون زعل · 19-09-2002, 07:46 AM

اقتباس

ايه و الله يا بدون ... تذكر مره لما علقت و قلت لك ان الاغلبيه الحين كأنهم هذول

اللي يرشووون اغلى ( مو احلى ) انواع العطووور على وساخه

لا نظاف و لا متروشين و لا شي !

يعني ( و الله يكرم الجميع) الريح مخلووطه عرق+ عطر

هذا ينذب بالزباله بدون تفكييير !

مرزوقه هذا واقع وعاده وناس رايحه فيها

يا ام عيون كبار

MaRjUj AfaNdEm · 19-09-2002, 07:49 AM

[gl]مشكور أخوي بدون اسم على الموضوع الجميل جدآ[/gl]

[gl]وتسلم يمناااااااك يالغاااااااااااالي[/gl]

[gl]وفعلا رديتنا إلى زمااااان أول[/gl]

[gl]بس زماااااان أول تحووووووووووول[/gl]

[gl] وعلى قولهم حضاره[/gl] :D :D

[gl]تحيااااااااااتي لك[/gl]

[gl]بااااااااايوووووووووووووووووو[/gl]

العمدة الإجباري · 19-09-2002, 08:06 AM

طيب،، بدون زعل،،، معليش ،،، خذني على قد عقلي،، وجاوبني،،،
إيش علاقة 1400 بالموضوع؟؟؟