انتبه...لا تاخذ عمره مع خويك الدب ..............

بووســــه · 15-09-2002, 11:08 AM

مساء الخيرات جميعاً...

قبل كم يوم..قلت بأروح آخذ لي عمره مع واحد من أخوياي... يقالة سلطان...سلطان ذا يالربع موهوب سمين الا ينطبق عليه المثل القائل( إبحل يا دحروج*) ((للمراجعة كلمة دحروج يرجى قرآئة موضوع دحروج))...الي في المكتبيه العامه لرعايه الاطفال........

طبعأً بأحكي لكم القصة من طق طق الى آستا لافيستا...

قررنا أنا والتفخ نروح مكة بالطيارة...جينا نبي نحجز قالوا لنا جدة مافي قلنا طيب الطايف..قال ما في غير راس تنورة تبون أحجز لكم عليها إنتظار؟؟؟

وجععععععع...ياخوي ما بقى أحد في الديرة...كل العالم متبطحة في الشانزليزية وبيكاديلي وسبانيش ستيبس...بعد ناشبين لنا هنا...لا حووووووول...

قلنا خلاص ..ما يبيلها..الخط وما أدراك ما الخط...كلها اربع ساعات ونص الا حنا في الحرم..

ركبنا أنا وسلطان السيارة ومسكنا الخط..في اول الخط وقفنا عند محطة عشان نعبي بنزين ومنها علف للثور اللي معاي...

يوم نزل سلطان للبقالة قلت له:- هيه انتبه لا توقف في نص الخط وتقعد تدور عليك السيارات يحسبونك دوار العويضة...

زلبني التفخ لأنه شاف عرض خاص على كراتين التويكس...

عبينا الموتر وانطلقنا..وطول الطريق التفخ ما غير يحشي وجهه بهالتويكس وربي كنه يلط له فصفص...وكل ما طفح له وحدة رمى القرطاس ورا..طلع الموتر كنه سيارة زبالة( تكرمون)...

وطبعاً إنسى موضوع نشغل شريط مسجل..لأن الرحلة كلها سواليف يحبها قلبك الين ما يبدا التفخ يحذفني بهالأرانب اللي مالها اول ولا آخر...يقول مره كنت في الربع الخالي أطعس بالمكسيما حقتي..وإنقطع علي البنزين...قلت وش السواة يا سلطان وش السواة...وأسمع الا صوت طيارة جمبو 747 طايرة فوقي..وأنا اللي أطلع الشوزن وأرمي الطيارة في التانكي...وقامت تخرخر الطيارة بنزين ...وأنا ورا سيل بنزين الطيارة اجمعة في قارورة موية صحة...الين ما امتلت القارورة وأطلع العلكة من ثمي..وأحطها في البندق وأرمي بها تانكي الطيارة عشان ما يخرخر بنزيمهم...يوم خلص سالفته مصعته بغطى شريط عبد الله الرويشد..وقلت له:- نعنبوك لاقيني..؟؟؟وش ذا النصب..؟؟؟ من وين لك مكسيما يالتفخ..؟؟؟ أنا أصلاً من يوم شفتك شاري فازلين تدهن به جنوبك عشان تخش الموتر وأنا غاسلن يدي...
سلطان:-تكفى ...والا انت اذا قعدت أسوق ألعب في راسك أحسبك القير..
حمودي الي هو انا:-ابحلف بالله وانت وجسمك انك لو تنسدح على جنبك الايسر وترفع يدك اليمنى صرت كنك حرف(ط)
سلطان:-عاد انت من نحفك ترقد في درج السيارة....
حمودي:-شف عاد من يتكلم الحين نست يوم توقف وتبي تجر جلنط ومن كبر صدرك ما شفته قمت جريت الطفايه..
سلطان:-اقول اثقل بس..انت ورجلك ذي ساق بعدين ركبة بعدين ساق ثاني..طالع كنك شبث...
حمودي:-اسمع انت وجهك اللي كله خد ترى ابصبغك اسود وابلغ عن فقمه ضايعه...
سلطان:-اقول لا يكثر بس...اجل أهلك اذا جو يروشونك يغطسونك في بيالة شاهي...
حمودي:- شف من اللي يتكلم...انت الحين أهلك بعد ما يروشونك في مغسلة السيارات يفضون وحدة من طفايات الحريق ويعبونها معطر جو وفليت عشان أباطك المصنجة...
سلطان:-ازين منك انت وجهك من النحف اللي فيك صارت عيونك جنب بعض... صرت تقدر تطالع من خفس الباب بعيونك الثنتين...
حمودي:-انت يالتفخ ياخي شفلك صرفه سوى رجيم والا طريقه تخفف وزنك من سمنتك صار الواحد يشوف خدودك وهو واقف وراك صايره خدودك كنها مخابي كوت مليانة فصفص...
سلطان:-تصدق بالله لو نشبك في يديك اسياخ صرت كنك حارس فرفيره...
حمودي:-ايه تعال..تذكرت...سمعت انهم صورك يبون يطلعون لك جواز وحطو صورتك وكتبو تحتها
تتبع في الصفحه الاخرى
سلطان:-تكفى..انت يوم صوروك 4×6 طلعت كلك...
حمودي:- الحين انت الظاهر انك الين تأخرت الدوام يطلعونك أهلك فوق الدرج ويدربونك للدوام عشان توصل بسرعة...
وطووووووووووول الطريق أنا أذب وهو يرد علي...الين ما وصلنا السيل الكبير...نزلنا نبي نحرم فيذاك..
سلطان قال أباخذ دش...قلت له طيب انتبه لا يشوفونك الهنود الحين يعبدونك على بالهم بوذا...

سلطان:-اقول الحين متميلح نفسك انت وعصاقيلك اجل تبيني مثلك لين جاء هواء طقو اهلك في ثوبك مسمار في الارض يخافون عليك تطير...
حمودي:-هيه انتبه...ورا سرك مندي...اصبر اصبر...كن سرك يقطر موية...بسم الله ...ولد انتبه لا ينفجر بطنك..
سلطان:-اسمع انت يا ساق ركبه ساق أعقل لا الحين اصفك مع السجاير اللي في البكت...
حمودي:-يمه ...والله ماني خايف الا انك تاكلني يالتفيخ...أجل يسألونك وشي قناتك المفضلة تقول قناة فالوب...اركد بس اركد ترانا دخلنا مكة...
وصلنا مكة..وقعدت أدور الحرم ما لقيته...أنا أحاول أسمع صوت المأذن عشان أتبعة...وكل ما قربت سفني نفق على حارة تكارنة الواحد منهم يقول لكيس الفحم انقلع يالشامي...بعدين لون الواحد فيهم جاي أسود على أزرق على بنفسجي..ودك تصبغ لون سيارتك مثلهم...

المهم...إحتسنا ندور على الحرم ما لقيناه...الين ما شفت لي هاك العسكري الجيزاني اللي قاعد يزاعق على العالم...جيت جنبه ونزلت من السيارة عشان أبيه يدلني على الحرم...تو العسكري بيوصف لي الحرم الا شي غشاني مثل لا اله الا الله... صوت قوووي من قوته شمر إحرامي لين سري...
من الروعة اللي جتني والحمق تفلت على وجه العسكري....إلتفت على مصدر الصوت الا حيوان معاه وايت وضارب بوري محاقين مع هوا مع روسي مع تبن في وجهه الله ياخذ عمره من قوة صوته تكسر قزاز الموتر...

توني بألتفت على العسكري أعتذر له...إلا أبو الشباب محرر لي مخالفة وقوف في مكان خطأ..(الله لا يلومه تافلن في وجهه)...قلت له معليش ياخوي.تراها من الروعة...ولا موهوب قصدي...
قال:-آيييييييش هو...تتف علياااا أنااااااااااااا...
ول يا أبو مزيّد...المهم قام يناهق علي ولا رديت عليه يقالي ما ابي أزيد ذنوبي...(إلا خايف أرقد في التخشيبة على قول المصارية)
المهم..مشينا شوي الا الحرم في وجهينا... لا اله الا الله ...الحمد لله على السلامه... ادور ملبق ايه هين يجي خخخخخيرتحصل ملبق.... واحوس حوسه الين ما لقيت لي عمارة ولبقت تحتها... وجيناك نمشي للحرم وصوت زنوبة سلطان يسمعها اللي في الطايف...وأنا وخايف يطيح الحرام وتطلع الاغرأت ...

المهم..وصلنا الحرم وقلت لسلطان :-إسمع..خل كل واحد يمشي بالحاله..تراني عارف نفسي.. ان مشينا مع بعض ترا تبطل عمرتنا...
قال:- أوكي..
المهم دخلت ...واتجه للكعبه وادور الركن اليماني وحصلته... والحمد الله توني ابكبر لين جنبي نجيري ما دريت انه انسان الا يوم جاء يكبر( احسبه مأذنة من طوله) يوم رفع يدييييه جت المصصصيبه ...معد شفت... إنعمييييت... ابطه يبوخ كنك فاتح غطى تانكي بنزين في عز الصيف... وبعدين اوله مره اشوف ابط فيه بقع ملح... أنا آخر خبري النظره الاخيرة هاذي... عقبها علقت على الله اكبر الله اكبر لين الشوط السابع... منعمي ولا دريت انه الشوط السابع الا يوم مسكني مطوف يقول لي:- انت تشتغل معانا...؟؟؟؟
(اثرني فار على الكعبه يجي 73 مره)
يحسبني اطوف في الناس... قلت:- لا
قال:- يبوي حرام علييك هي سبعه مرات...
قلت:- طيب شكرا...
ورحت للمسعى وجيت اسعى واتذكر اني كنت في الشوط الرابع ما دريت الا قطيع من ثيران امريكا( البفلو) متماسكين وجاين يمشون الفين قاطعين المسعى... ومن قرادة حظي... صرت في الطريق حقهم ما دريت الا جاني كوع في خشتى ومن عقبها حسبي الله عليهم وانا اشوف الدنيا مبقعه بأحمر وبنفسجي وفيه نجوم برتقاليه... وجرروني معهم وطافوبي وانا ازاعق:- يا حاااااج يا حااااج... وهم ولا همهم... ويدورون على الاطراف... شوي الا اسمع صوت تصادم... اثرهم تصادموا مع اللي يشيلون الناس... تخبرونهم اللي يمشون ويقلون خشششب خشب خششب...
من قوة التصادم انفك الطابور وطلعت بس بعاهه اللي هي معد اشوف الا بعدت الوان...

المهم... رجعت واكمل السعي يوم جاااء الشوط السابع... الا راعي الطواف اللي إبطه مملح جنبي... عقبهاااااا خربت الدعوه.... صرت اشوف الدنيا بلونين اسود وابيض خلاص عيوني صارت كنها فاكس مشوش...اللون الرمادي وبس ألوان ثانيه ما فيه... وطلعت عقب ما خلصت ورحت لموتري يوم وصلت...واحصل قطاوه يتطاقون فوق التنده حقت موتري( ضاقت الدنيا) وحاسوا البويه... وخربت التنده...والتفخ في السيارة قاعد ياكل له صيادية ويغسلها بسوبيا...بصراحة انهد حيلي..ما عاد أقوى أزاعق عليه.. قلت تكفير انشالله....
ورجعنا للرياض...

ملاحظة كبر خدود سلطان...الأيام مداف ومحارش وسرق..وحتى بعض الناس الله يهديم يغازلون في وسط الحرم...ياخي ما تخاف ربك.؟؟؟؟ حتى في الحرم..؟؟؟!!!! ما تخاف ان الله يسخط بك ولا تموت على وضعك ذا..؟؟؟
الله يهديني وإياكم وجميع المسلمين..وينجينا من عاب القبر والآخرة...

وتقبلووووووووووووووووو خالص تحياتي......حمودي:D :D :D

أرجو التميييييييييييييييز؟............

بدون زعل · 15-09-2002, 11:23 AM

حلوووووووووووووووووووووووووووووووووووووه

:D :D :D

راح فيها الدب

مشكووووووووووووووور على القصه

تحياتي لك

بووســــه · 15-09-2002, 11:24 AM

على فكره ترا سلطان هو..........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صادق الود

هههههههههههههههههههههههههههه

بااااااايااااااااااااااتتتتتتتتتت.............حمود ي

صــادق الــود · 15-09-2002, 11:30 AM

ليش اول شي تعلم بسمي

وبعدين انت كذبت على اعضاء المنتدى ياشباب ترى السالفه مهي كذا بس اخوي وصديقي بوسه غير فيها

انا اللي كنت انكت عليه طول الطريق بس هو منقهر مني عشان اعرف انكت:D

وبعدين تستاهل ماجاك من النيجيري:D

وبعدين انت اكبر شلاخ خاويته في حياتي من عرفتك وانت سوالفك شلخ بشلخ

ما اقول الا الله يرحم بيتكم من الشلخ ولا امك وابوك الله يرحمهم برحمته

ماتو منذو مبطي:(

ولاعاد تطلع على سوالف مثل وجهك بخخخخخخخخخخخ(من جد الضحكه)

وانا لك والزمن طويل يا حمودي العسلوك(النحيف):D

وان شالله الوعد في الحاره والله لخلي نويصر يضحك عليك وتشوف

:D :p :D :p :D

بووســــه · 15-09-2002, 11:46 AM

ياشين الغيره .......................................
ولا أنت , وصلت معك يوم قلتلهم الحقييييييييييييييييييييقه................
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههه
ولا لا ......... الصدق سلطااااااااااااااااان .............
ترا أمزح.............
بااااااااااااااااااااااااااااااااايااااااااااااااا اااااااااااتتتتتتتتتت............;) ;) ;) :D

ضامي الشوق(M) · 15-09-2002, 07:10 PM

انا ابي اعرف شي واااحد انت وش فيك علينا معشر الدببة

حموودي هذا الموضوع الثاني اللي انت تكتم فيه انفااسنا

والله لا اغولك وين اغولك والله لا احط رجلي عليك لا انسيك دنياك

الدب الدب وقال التفخ وقال النفيخا وفعل الدب القطبي ....

هههههههههههههه باي

بووســــه · 15-09-2002, 07:59 PM

والله انا أحس انكم تعانووووون معاناه قويه وانا بصراحه أحب أذب على الدببه لانهم دلاخه في هالو الوجوووووووود حقيقه والله ................

ومشكوووووووووووووووور ضامي الشوق .............:D :D :D :D :D
هههههههههههههههههههههههههههههههههههههههههههههههههه هههههههههههه والله أنكم يالدببه فلللللللله....:D :D
بااااااااااااااياااااااااااتتتتتتتتت..........