اما الحين نجي للحلويات
.. || حلى قوالب الجالكسي || ..
المقادير لـ 8 قوالب سيلكون
.. المقادير ..
4 جالكسي سادة
نصف علبة حليب نستله +6 حبات جبن كيري
1كيك سويسرول بالشوكولاته
3 مغلفات اوريو يعني 18 حبه اوريو منزوع الكريمه
نصف كاس حليب سائل
..الطريقة ..
يذوب الجالكسي في حمام مائي او المكرويف
وبعدين تجيبين قوالب السيلكون وتدهنين بها الجالكسي وتدخلينها بالثلاجه تبرد شوي 5 دقايق ثم تطلعينها
وتدهنينها مره ثانيه وتدخلينها بالثلاجه تبرد انا سويتها 4 مرات عشان تطلع احلى
لما افكها ماتتكسر بسرعه
يخلط في الخلاط نصف علبة نستله مع 6 حبات جبن كيري ويوضع في كل قالب ملعقة كبيره
تجيبين كيك سويسرول وتقطعينه شرايح نحيفه وتضعين في كل قالب شريحتين
تجيبن 18 حبه اوريو طبعا منزوع منها الكريمه ومكسر ونصف كاس حليب
وتحطينه على النار لما يذوب الاوريو
تحطين في كل قالب من الخلطه لما يتسكر كل القالب
وتدخلينه في الثلاجة ولما تجمد وقبل التقديم فكي منها القوالب ويطلع شكلها رآآآآيق حيل
ويقدم وبالهناء والعافيه
واذا ماتوفرت عندك قوالب السيلكون تقدرين تستخدمين ورق البليسيه بس حطيها بصواني الكب كيك
وانت تدهنين ولا تحاولين تطلعينها وتمسكينها بيدك الا لما تجمد فكي ورق البليسيه منها بس افضل قوالب السيلكون
صوره ثانيه معها ابتسامه
.. || حلى الكانشو || ..
.. المقآدير ..
_باكيت بسكويت كبير اي نوع تفضلينه
علبة قشطة
نصف ملعقه كبيره كاكاو بودره
_6 حبآت جبنة كيري .
نصف علبه نستله
2 او 3 كرتون كانشو
.. الطريقة ..
نجهّـز الطبقة الأولـى
نفتت البسكوت والافضل لو تخلينه خشن شوي يطلع احلى نضيف نصف ملعقة الكاكاو
ونضيف علبة القشطه ولازم يصيربعد مانضيف القشطه متماسك شوي
الحين نحطه بصينية بايركس وسط ونساويه
نجي للطبقه الثانيه
نخلط الكيري والنستله بالخلاط عشان يصير نااعم نحطه ع البسكوت
ودخليه الفرن على حرارة ( 150 درجه مؤيه ) حتى يتماسك شوي مو يحترق
نجي للطبقه الثآلثة
هذا الكانشو للي مايعرفه باشكال مختلفه
حطيه بالترتيب على الطبقة البيضا بعد ماتماسكت
آخر شي التزيين بالجالكسي ذوبيه وحطيه ع الحلا..او بالهيرشي وصوص الكاراميل
ندخله الثلاجه شوي بس يتماسك ويبرد وبعدين نقطعه وبالعافيه
وهنا قطعته لكن الزينه استخدمت هيرشي وصوص كاراميل
..|| Chocolate crem cake || ..
..المقادير ..
1 خليط كيك بيتي كروكر شوكلاتة
1 قشطة
1 ظرف دريم ويب
1/2 كوب حليب سايل
3 م.ك كاكاو باودر
1 م.ك نسكافية
2 فنجال سكر
.. الطريقة ..
نسوي الكيك زي ماهو مجود بالكرتون بصينيه تشيز كيك صغيره
عشان تطلع الحشوه عريضه او اي كيكه انتي تسوينها بس شوكلاه وانتبهي لازم تكون الصينيه صغيره
اطعم بعدين اذا خلصت حددي الكيكه بالسكين بعدين فرغي اللي
بالوسط بالملعقه و خلي القاعده تصير مو عريضه
نجيب الكيك الي فضيناه ونخلط معه باقي المقادير بالخلاط
الخليط بيكون ثقيل فلا ترتاعون نصبه بوسط الكيك ونرش الوجه جالكسي مبشور او فليك
نخليه بالفريزر على الاقل اربع ساعات الين مايجمد بعدين يقدم
واذا خرب الخلاط انا مالي دخل انا عن نفسي حطيت بصينية دائره وسط
وصار ثقيل وحطيت قشطه ثانيه يعني لو بتحطونها حطوها من اول وترى ماخرب الخلاط ع هههههههه
بس لاحظوا القاعده والسمك اللي ع جنب مو لازم تحطونه عريض بس شوي لكن لذيذه
بالعافيه...
Wait
|
العرض المتطور
