شي غريب
ما ادري وش هالحب لصدام
ودي اعرف اسبابه <<< مو اول مره اشوف موضوع او صوره في حب صدام
ما اعتقد ان الموضوع المذكور سبب خاصه اللي اعرفه ان احد عياله كان مو مقصر في تصرفاته اللااخلاقيه
يعني قبل لا يادب ويشنق بنات العالم يبدأ في بيته
اخوي انتر ذكر كويتيه عتيبيه وذكر ملكة الخواطر لانهم من الكويت
بس ما انسى الخوف اللي دبه فينا ايام الحرب ما انسى اني ما صرت اشوف ابوي فترة الحرب كلها
الا بالموت وساعات قليله
وانا سعوديه لكن في قلبي كره على اللي سواه فينا
وفي غيرنا
ايام الحرب شفت كتيب فيه صور للاكراد على ما اظن " ايامها كنت برابع ابتدائي يعني حافظه الصور مو المعلومه "
كان الكتيب عنهم وصور كله لبشر ميته من الغازات السامه وصورة لطفل ما قدرت اشيلها للحين من بالي
ما انسى الضربه اللي ضربها لمعسكر في الظهران
مع اني كنت في الدمام لكني حسيت في قوتها
ما ادري وشي الحسنات اللي ممكن اذكرها له
صدق ان اللحين العراق يرثى له لكن هو يرثى له من ايام صدام وبعد صدام
واعتقد اللي صاير اللحين له تأثير من صدام خاصه انه كان على ايامه فقر و خوف
قد تكلمت شوي مع عمتي عنه قالت سمعي شريط لشيخ نسيت اسمه لاني ما سمعته
"لان ما يهمني الموضوع" يقول انه قايل حقايق في صالح صدام اولها انه تشهد يوم انشنق
طيب في اي محكمه اي واحد راح ينفذ عليه حكم الاعدام يشهدونه ويتشهد
هل هذا معناه على اللي سواه انه معنى الصلاح
اعتقد مفهومنا عن التشهد قبل الموت الله يرحمنا برحمته غلط
لان هو قبل لا ينشنق خُير والموت العادي لا يخير
لا أمان لمن روع مؤمنا
دورت حديث عن هالشي لقيت موضوع عن المزاح قلت في نفسي كيف بالحرب
رُوِيَ عن عامر بن ربيعة أن رسول الله ـ صلى الله عليه وسلم ـ قال: "لا تُرَوِّعُوا المسلم؛ فإن رَوْعَة المسلم ظلم عظيم"، ورُوِيَ عن ابن عمر قال: سمعت رسول الله ـ صلى الله عليه وسلم ـ يقول: "مَن أخافَ مؤمنًا كان حقًّا على الله أن لا يُؤَمِّنَه من أفزاع يوم القيامة".
الله يرحمنا برحمته ويستر علينا وعلى بنات المسلمين
سامحوني على اسلوبي ومعلوماتي البسيطه على قدي
الله يعطيكم العافيه
العرض الشجري
