مرآآآآحب
نبلش نستعيد احلى الذكريات
وش اكثر شي تخاف منه وماتحبه ابدا ؟
.............
تطلع/ين كثير في الاذاعة المدرسيه ؟
كنت خجوله نادرآ ماطلع
تبكي/ي كثير ولاعادي ؟
لاعادي
ترتيبك بين اخوانك ؟
الثالثه الوسطى
نشيد كنت/ي تحبه / تحبينه أيام الطفوله ؟
هايدي الجميله هايدي اللطيفه
شخصيه كرتونيه كنت/ي تحبه/تحبينها ؟
هايدي وسالي وكابتن ماجد باباي
كيف كنت/ي ايام طفولتك شيطان/يه ولامؤدب/ه ؟
فديتني كنت مؤدبه بس حركتي كثيره
لدرجة الوكيله نادت على أمي تقول بنتك بس تدور في الممرات ماتجلس 
ماهي المواقف اللي عرضت فيها اهلك للاحراج؟
مافي
هل كنت شخص ذو شخصيه قويه أم مغلوب عليه ؟
شخصيتي هاديه بس ابد ماكان احد يغلبني
اكبر عيديه جمعته/جمعتيه كم ؟؟ ومن مين ؟
كانت من أبوي وأعمامي 500 ريال
يوم كنتي صغيره تسوين جدايل والا كاريه ؟<<للبنات بس
شعري كان طويل ماره نازل الى تحت ظهري وكنت اسوي جدايل واحط شرايط
يالله كانت ايام حلوه
من كـان يدلعك أكثر أبوك او أمك ؟
بلاقي دلع من الاثنين بس الوالد بزياده
احيانا لما ازعل من الوالده اروح اشتكي للوالد يقوم يوبخها عشاني
اســم دلعك بالطفوله لحد الان ينادونك به ؟ وماهو ؟
الاميره هالاسم كان الوالد ولازال يناديني فيه وجدي الله يرحمه
بطفولتك كنت/ي تبكي/ن إذا ماجلست/ي بالاول بالطابور اوالفصل ؟
عادي
عندك لعبه موجوده من صغرك إلى الآن ؟ وماهي ؟
لا مافي
صار لك موقف مع المرجيحه
المرجيحه كنت اهاوش البنات لايركبونها بس ابيها لي لوحدي هههه انانيه
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
لا
ما اكـثـر حلاوة كنـت/ي تحـبه/تحبينها ..؟
حلاوه مصاص حمراء اللي فيها علكه وحلاوة بقر
آكله تحبها كثير ...وآكله تكرها ..؟
المكرونه احبها كثير والجريش ما احبه
ما اسم اول مـدرس/ه درستك ..؟
وفاء
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟
ههههه اخذ حقي بنفسي
وش كانت عيارتك
.........
كنت تنآم لحآلك ولاعند المآمآ ..؟
انا وأختي بغرفه
اجمل موقف صار لك بطفولتك ..ومازال عالق في ذاكرتك؟
وانا صغيره كانت ملامحي الطفوليه جدآ بريئه لدرجة ان الي يناظرني يحن علي على طول ههه
سافرنا على الطائره وقتها اذكر ماقعد مضيف ولامضيفه الا وحنوا علي
الي يجيبلي مجلة اطفال والي يجيبلي تورته واللي يجيبلي وساده انام عليها اذا نعست
ههههههه
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟
ماريو احب العبها مع أخوي كانت أفضل لعبه عندي
الى الان أخذ القيم بوي حق ولد أختي العب فيه هههه
أجمل مكان سافرت له وانت صغير وتتمنى ترجع له ثاني ؟
ابها الحلوه ابها الساحره
هل مر عليك موقف بطفولتك خلاك تكره شخص معين واذكر الموقف ؟
.........
كم مرة انطقيت ..او كنت تنطق كثير؟
انطقيت مره من مدرسة الرياضيات بسادس لاني جبت جيد جدآ وهي تبيني اجيب ممتاز
وقالت ياللى بعد الطق بعيدلك الاختبار وجبت ممتاز
ههههه الطق جاب نتيجه
كيف مستواك الدراسي ممتاز ..ولا كسلان ..ولا نص ونص ..؟
ممتاز
ماهو الحلم البريء ..حلم طفولتك ..كنت تتمنى ان يتحقق
كنت احب الرسم كثير واحلم اني اصير رسامه مشهور
بس هالحلم ماتحقق
وين مولود/هـ ؟
الرياض
وانت/ي صغير/هـ كنت تحب تلعب مع الاولاد اكثر ولا مع البنات ؟
وش اسم اول صديق/هـ لك؟
مع الاثنين مافرق بينهم
اول صديقه لي كان اسمها نجلاء
كلمه اخيره تهديها لطفولتك..!!
يا زينها ايام الطفوله
نلعب سوى ... نضحك سوى ...
حتى البكا ... نبكي سوى...
يازينها ايام الطفوله
عند البحر نبني جبل ... حتى ولو طاح الجبل
مابه زعل .. نبنيه مره او ثلاث
يازينها ايام الطفوله
انت وانا سمن وعسل .. وعدونا خوف الأهل
عن شوفهم ما نبتعد.. ورغم هذا نلتقي
يازينها ايام الطفوله
تحت المطر متماسكين.. حتى الدفا يجي لنا
حتى المظله ما تفيد.. دام اننا متماسكين
يازينها ايام الطفوله
وبعد الكبر .. وطول العمر ..صار الزعل شي اكيد
واكبر عدو من بيننا .. عذالنا وقول الحسود
يا زينها ايام الطفوله
عاداتنا اتغيرت.. وكل واحد له طموح
صعب التفاهم والرضوخ... وتالي محبتنا فراق..
يـــــــــــــــــــازينها ايام الطفوله....
في النهايه اشكر أختي الغاليه نونا على الاستضافه
والتي اعادتنا الى الخلف لنتذكر اجمل الايام واسعدها
دمتم بود
العرض العادي
