كل الشكر لكِ نونا ولو اني مااحب الأضواء <== ارحمينا
انتي ناويه تقلبي مواجعنا
اوكي بجاوب بالي اقدر عليه
وش اكثر شي تخاف منه وماتحبه ابدا ؟
من 3 اشياء
كنت اخاف من يوم الربوع لأنه اليوم الي امي تعطينا فيه ( صُبُر ) اول مانجي من المدرسه
والصُبُر هو من عند العطار مُر جدا جدا جدا لدرجة اني بس اشمه استفرغ على طول
بس فيه فوايد ابرزها يسلك لنا
يعني مايجيك امساك لو ايش وينظف البطن على قولهم والحكمه من اعطائنا اياه يوم ربوع لانك بتجلسين يومين وانتي رايحه جايه على الحمام الله يعزكم
الشي الثاني كنت اخاف من ( العسّـــه)
كانو عشان ننام يقولون لنا ناموا ولا حنادي العسه يجي الان والعسه هو رجل حالة امه حاله يدور اخر اليلل في الحواري وبين البيوت ومعاه صفاره وعصايا طبعا عشان قلك يحمي البيوت من الحراميه
وكمان من النمنم الي اشتهر هذيك الايام بانه فيه عين وحده ويوصفون شكله يخوف مره
ومن ابله بدريه حقة التدبير المنزلي كانت عصبيه مره ودبببببببيه وكانت بس تضرب تضرب وعصاتها بيدها لدرجة انها تنكسر العصا بيد البنت<== كانت تنام بحضن امها ليلة الحصه
بس الله يذكرها بالخير ويسامحها اشتكو عليها الاهالي وفنشتها الرئاسه
تطلع/ين كثير في الاذاعة المدرسيه ؟
يس وخرقة الطار اكبر دليل كنا نغني اغنيه وطنيه حماسيه قدام الامهات وبنتين ورى يدقون بالدفوف وانا اغني وااشر بيديني لهم من ورى انه بأقوى اقوى اقوى وهم تحمسوا تحمسو الين
وحده منهم خشت يدها بالطار وخرجت من الجهه الثانيه خرقته خرق كبر راسها ههههههههه
تبكي/ي كثير ولاعادي ؟
يعني مابين عادي وكثير
حتى اصلا لو مسكت نفسي من الدمعه اخواني اغنيتهم الشهيره( بكى بكى ودمع ) تبكيني غصب
ترتيبك بين اخوانك ؟
أنا الخامسه وبعد وفاة اخوي الله يرحمه ( الرابعه)
نشيد كنت/ي تحبه / تحبينه أيام الطفوله ؟
اناشيد المدرسه اممم الان ماتحظرني كثير بس افتكرها اذا احد قالها
افتكر من بعض الي كنا نرددها ايام ماكان ينزل مطر كنا نقول ( مطره يامطره حطي حطي فوق بنت اختي بنت اختي جابت ولد سمتو عبدالصمد ) ههههه
شخصيه كرتونيه كنت/ي تحبه/تحبينها ؟
الكابتن ماجد
وسالي
كيف كنت/ي ايام طفولتك شيطان/يه ولامؤدب/ه ؟
ماسكه العصا من النص
شيطانه ومؤدبه
ماهي المواقف اللي عرضت فيها اهلك للاحراج؟
ماافتكر كثير بس اتذكر مره كان في شريط يحبه ابوي الله يرحمه زمان وكان حاطه في السياره مره اخذته وسجلت صوتي فيه وانا اغني ( من زود الثقه) وركب معاه مره واحد من اصحابو وشغله ابويا يسمعه يقول شوف الطرب على اصوله مو حقون دي الايام
وصارت المفاجعه صوووت عذوووب يصدح بالسياره هههههههه
طبعا دخل معصب البيت وقالي مالقيتي الا هذا الشريط
افتكر بكيت من خصامو وراضاني بتمشيه
هل كنت شخص ذو شخصيه قويه أم مغلوب عليه ؟
الحمدالله مش مغلوب علي .. افتكر كانوا يعلقون علي لمن اعصب باسناني هههه لاني اشدها في بعض واصرخ وابدا الهجوم هههه
اكبر عيديه جمعته/جمعتيه كم ؟؟ ومن مين ؟
آه بس
الله يرحمك ياروح بنتك
ابوي الله يرحمه 500
يوم كنتي صغيره تسوين جدايل والا كاريه ؟<<للبنات بس
جدايل وبلهجتنا ( ظفاير ) كنت احسد البنات الي قاصين كاريه لأن شعري كان طويل ونفسي اقصو
يوم كنت/ي طفل/ه تلع/بين بكمبيوتر العائله ؟؟
طبعا ومضاربه عليه
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
ههههههه ايون
من كـان يدلعك أكثر أبوك او أمك ؟
تعوريلي قلبي والله
كلهم لدرجة احس بدلاله الى الان والله
اســم دلعك بالطفوله لحد الان ينادونك به ؟ وماهو ؟
( عسل جردان ) ابوي الله يغفر له اطلقه علي وللآن ماشي
وللي مايعرف جردان
هي منطقه في حضرموت باليمن مشهوره باجود انواع العسل تذكروا بيت خالد عبدالرحمن
صبولي من الفنجان .. صافي من عسل جردان
بطفولتك كنت/ي تبكي/ن إذا ماجلست/ي بالاول بالطابور اوالفصل ؟
ماتذكر بكى بس كنت افتكر التنافس اول مايدق الجرس
وبالفصل اول يوم دراسي جري على الكراسي الاولى
عندك لعبه موجوده من صغرك إلى الآن ؟ وماهي ؟
لا
صار لك موقف مع المرجيحه
امممم افتكر كان عندنا حوشين في البيت واحد فيها ابوي الله يرحمه كان مسوي لنا فيه مرجيحه كبيره مره اختي كانت حاطه رجلها تحت وجيت انا والبنات ودفيناها بقوه وانصكت الحدايد على رجلها وانكسر الساق عندها
افتكر تجبست شهرين وماداومت المدرسه وكل من جا جاب لها هدايا لدرجة اني غرت ورحت ابغى اكسر رجلي
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
لا الحمدالله
ما اكـثـر حلاوة كنـت/ي تحـبه/تحبينها ..؟
المصاص ابو عود وحلاوه بقره للان وخدود البنات من هنود البحر
ما اسم اول مـدرس/ه درستك ..؟
مافتكر اسمها افتكر شكلها بس حقول وحده ثانيه ( حنان الغامدي ) الله يذكرها بالخير
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟
محد يكفخني بالشارع لأن اخواني فيه
بس يادوب شويتين كبرت صرت ممنوعه من الخروج ولا اخواني بنفسهم بيكفخوني ان شافوني واذا مو هم يوصون عيال الجيران مااطلع واذا طلعت رجعوني البيت بالحجار
يعني ان سلمت من اخواني ماسلمت من عيال الجيران
وش كانت عيارتك!
ماكانت فيه عياره بالمعنى بس كان فيه واحد اسمه ( وائل) من الجماعه بعمري دايمن اذا يبغون يستفزوني ينادوني فيه
تعال ياوائل روح ياوائل ياحبيبة وائل بتتزوجين وائل تحبين وائل ..... الخ
والسبب ان وعمري حول 4 سنوات بكى وابغى اسكته بسته وركبته دراجتي
ومسكوها علي الين وانا في المتوسط والحمدالله نسو
كنت تنآم لحآلك ولاعند المآمآ ..؟
الأغلب عند الماما اصحى احيانا بعز اليلل اروح عندها بغرفتها خصوصا اذا حلمت حلم يخوف او ماجاني نوم
رغم اني كنت اواجه طردات غير مباشره من ابوي الله يرحمه بعض الاحيان
اجمل موقف صار لك بطفولتك ..ومازال عالق في ذاكرتك؟
كثيره اغلب مواقف الطفوله
ابرزها كان واحد من الاحواش فيها غنم
وكان ابوي رحمة الله عليه مسمي كل تيس بفلان مننا
كل واحد فينا له تيس خاص فيه يهتم فيه يدلعه يشربه وهيك يعني
انا اخترت واحد مزيووووووووووووووون ابيض واسود لونه وعنده غرّه وحليووو بس ينط ينط ههههه افتكره كأنه امس
وحبيته بجنون
مره من المرات جا وقت الاضحيه وعمي اختار تيسي ضحيه لهم
كنت نايمه وجا اخوي يجري الحقي ياعذوب تيسك مسكوه بيذبحونه
وانا اجررررررررري ركض واخش في المسلخ كان فيه مسلخ في الحوش
والمسلخ فيه عماني وعيال عمي وخيلاني وكم واحد من العيله والصغار يتفرجون
وادخل جري وامسكه واصيح وبكى لااااااااااااااااااااااااااااااااا
لااااااااااااااااااااااااااااااا ماتذبحونه واطل في ابوي ودموع ههههه
اخرتها ابوي حلف ماينذبح ورجعوه
وجلست طول اليوم وانا عنده خايفه ياخذونه من وراي
بس بعد فتره كانو اخواني الله يهديهم ينسوا باب الحوش مفتوح وقدامنا سكة
شرد تيسي الحبيب وصدمته سياره لقيناه مدعوس بعز الظهر
<=== تحس انها بتبكي
مأساه سويت عزا ومناحه
الله يرحمه
هل مر عليك موقف بطفولتك خلاك تكره شخص معين واذكر الموقف ؟اممممم ماتذكر كثير بس افتكر فيه واحد من اصحاب ابوي اسمه صلاح
كنت ماحبه ابدا احسه يخرب علينا ابوي
كان لمن يجي نتفق انا واخواني وطبعا بتخطيط من امي الله يحفظها اننا ننسم كفراته
ودايمن صار اي واحد مايعجبني نسمت كفرات سيارته
كم مرة انطقيت ..او كنت تنطق كثير؟
لا والله ماافتكر اني كنت انضرب
افتكر مره وحده بس
تضاربت مع اختي وبهذلنا البيت تكسير
وخشت امي من العصبيه طاحت فينا ضرب الثنتين
وامي عمرها ماتمد يدها علينا
بعد مانضرببنا راحت امي عند ابوي تبكي تقوله اول مره اضربهم
كيف مستواك الدراسي ممتاز ..ولا كسلان ..ولا نص ونص ..؟
ممتاز ويوم كبرنا جبنا العيد
ماهو الحلم البريء ..حلم طفولتك ..كنت تتمنى ان يتحقق..!
كنت ابغى اطير زي عباس بن فرناس كان مأثر فيني كثير
لدرجة اني كنت اقص كراتين على شكل جناح واطلع فوق الدولاب بعد مااركبهم وانط قلك طرت
<== العقل زينه
وين مولود/هـ ؟
بجدهـ أم الرخـــــــــاء والشدهـ
وانت/ي صغير/هـ كنت تحب تلعب مع الاولاد اكثر ولا مع البنات ؟
البنات تقريبا
ولا مانع لدينا اهم شي لعب ههه وياحلاة اللعب وقت القيلوله
وش اسم اول صديق/هـ لك؟
ميعـــــــــــاد
الله يذكرها بالخير
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟نلعب طيره _ واحد طش _ وبالحبل شمرا امرا
اكثر لعبه كنت العبها لعبة ( انسان _ حيوان - جماد ...الخ ) مع قريبتي عفو
أجمل مكان سافرت له وانت صغير وتتمنى ترجع له ثااني ؟
حديقة خنشليلا بالرياض ههههههههه
مدري اذا هي لسى فيه او لا
وسد وادي نجران بعد المطر
كلمه اخيره تهديها لطفولتك..!!
ايش كثر كنتي جميله بوجود حس ابوي فيكِ
الشكر لنونا مجددا اتمنى ماكنت ثقيله بردودي
تشرفت بتواجدي
نراكم مجددا
دمتم
العرض العادي
