اتعب علا شانك واعني التفاكير=وانثر مشاعري خافقي لاجل عينك
واسوق في جيتك زين التباشير=وان غبت عني صحت بالصوت وينك
رسمت صوره بينه بالتعابير=انك حياتي مثل ماني سنينك
وغنى على شوقي جميل العصافير=والورد حطيته براحت يمينك
وجيتك بكل الود مجمل وتفسير=واشقيت روحي لاجل تنسى ونينك
تفداك روحي ياملاك الغنادير=يفداك منهو بالمحبه ضنينك
قدمت حبي لك ولاشفت تقدير=مدري وش اللي صار بيني وبينك
عطني سبب واضح وعطني التبارير=واكون في صعب المواقف عوينك
ان كان في قلبك سواتي مسايير=ولغير خالد يافوادي حنينك
بابعد عسى بالي حصل ياغلا خير=وتبقى عزيز ونذر اني ما اهينك
واسج رجلي في بعيد المشاوير=وابقى على ذكراك لاني رهينك
فديت روحك ياملاك الغنادير= حتى ولو ماني فديتك ضنينك
العرض الشجري
