~~((( مــــدارات ,,, طع شـــوري )))~~

[؟ فلسفة شاعر ؟]

))) المـــــــــــــــدار الخـــــــامس ,,,,

((( دام عزك يابلادي )))

كل شبرٍ في بلادي بالفـرح زغـرد وغنـا=في قدومك يابو خالد فرحنـا مالـه حـدودي
يا هلا .. ثم ياهلا ..مليون في حامي وطنـا=يابو خالد رحلة عـلاجٍ عساهـا ماتعـودي
نحمد اللي سلمـك لقلوبنـا وحقـق املنـا=ومن علينا في شفاك وفرح الشعب السعودي
كم فرحنا في حضورك كثر ماغيابك زعلنـا=ياعساها فرحةٍ دايـم وحنـا لـك جنـودي
كم يتيمٍ فرحته فـي شوفتـك يابعـد اهلنـا=ياجزيلٍ بالعطايـا ..مـدة كفوفـك شهـودي
اشهد انا فـي صفاتـك لـو تكلمنـا وقلنـا=تعجز احروف القصايد والمعالي بك تـزودي
ياعضيد الزعيم اللـي علـى حبـه وصلنـا=المليك بن المليك ابـن الملـوك الفهـودي
اهل السيوف المرهفات المخلفات لكـل ظنـا=مصقلاتٍ للمعادي والروافـض والجحـودي
وان حصل بالهرج زودي تقطع الراس المطنا=بالملاقا خصمهم يصبـح دفيـنٍ باللحـودي
حاكميـنٍ بالشريعـه والعـدل ظلـه شملنـا=وحنا وافين لوطنا من عهد عصر الجـدودي
يا وطنا يحفظـك ربٍ عطـاك الحـب منـا=دام عزك يابـلادي والعلـم دايـم سعـودي

[؟ فلسفة شاعر ؟]

)))))>>>>> المــــــــــدار الســـــــــادس ,,,,,,

هلا باللي اليا شفته اسافر فـي سمـاه غيـوم=اتـوه بعالمـه واثمـل اذا بأسمـي يناديـنـي
تصدق لو تغيب الشمس أحسك لي بدايـة يـوم=أنـا فعـلآ تنفستـك احسـك فـي شرايينـي
عطيتك خافقي لعبـه تفضـل العـب بمظيـوم=لعب فيه الزمن قبلـك طـواه وقـام يطوينـي
من انصاف الحلول اني احبك وارسمك بحلـوم=تعال وخلهـا غربـه عناوينـك .. عناوينـي
على كيفك انا اطيعك معاك ابغا القـدر محتـوم=تقربنـي .. تبعدنـي .. تفضـل قيـد يدينـي
رومانسيه حياتي معك ابيها فـي لذيـذ النـوم=ابي طيفـك يسهرنـي وابـي قربـك يدفينـي
دخيل عيونك الخرسا .. هي الحاكم وانا المحكوم=حكمنـي رمشهـا الظالـم ولا فكـرت تعفينـي
دخيلك يا خيوط الفجر..دخيلك يا سهر ونجـوم=انا روحي مثل موجـة بحـر والهـم طاوينـي
حروف الفكر والهمسه تجي لجلك بحر وغيـوم=واذا تبغـا نخليهـا بـلا عـقـل ومجانيـنـي
أنا وان غبت عن عيني تراي امشي مثل منجوم= اتـوه بخطوتـي هايـم ولأحـدٍ بـه يقدينـي
تعالي شوفي الخافق ضفافـه مجدبـه وسمـوم=تعالي يالفرات العـذب انـا عطشـى بساتينـي
تعالي نصد عن زحمة بشر كلـه ألـم وهمـوم=نغنـي للقمـر غنـوه .. اناجيـك وتناجينـي

الى لقاء في مدار آخر .

[؟ فلسفة شاعر ؟]

)))) >>>>>> المــــــــــــــدار الســــــــابع

(((( روح الادب ))))

بعض البشر لاكرمته يعطيك من طيبه وفـا=يفرض على كل المـلا تقديـره والاحتـرام
لان الاصل يحكم على روح الادب اذا نسـا=وميزة صفاته ساميه له احترام ولـه مقـام
وبعض البشر لاكرمته يضيع طيبك به سـدا=لئيم طبعه ياعرب لو علق بصـدره وسـام
عاري فكر ..ناقص عقل فيه النجاسه والردا=خفاش ما يسوى ابد عايش وسط كتلة ظلام
سبحان رب ٍ معتلي فوق السمـاوات العـلا=ميًز بشر واكرم بشر سبحان خلاق الانـام

[؟ فلسفة شاعر ؟]

))))) المــــــــــدار (( 8 ))

جيتيني البارح على غير ميعـاد=في ليلة ٍ ظلما بها الارض رثـه
جيتي تبين الحب والحب مافـاد=مافادني يابنـت والقلـب غثـه
مالي ومال الحب يابنت وش عاد=وش عاد لو قلبك به الشوق حثه
قلبي غدا عد ٍ به جـروح وراد=جرح ٍ يصدر منه وآآآخر يغثـه
كنت استبيح الجرح والجرح وقاد=والروح صارت طير والوكر جثه
واليوم مابالقلب ياغير الاصفـاد=لاذبذبات ارسال مقطـوع بثـه
قفلت باب اللوم عن كل حسـاد=غرس ٍ زرعته ماااات هذا مجثه

الى لقـــــاء في مدار آخر ,,,,

[؟ فلسفة شاعر ؟]

,,,,,,,,,, المــــــــــدار (9)

نجم(ن) سطع بالنـور وازداد برقـه=من قوة فلاشه حرق راعـي الحقـد
الحـب يارايـد تـرى فيـه حرقـه=لو ابتدأ بعهود واحـلاف(ن) وعقـد
والحـب لامنـك تمعـنـت طـرقـه=ملعون ابوه وفيه تخديـر مـع فقـد
يزعج حزين الصوت لانـاح ورقـه=سهران طول الليل ماطاب لـه رقـد
وصدق العذارى واضح(ن) فيه فرقـه=لايخدعـك معسـول لباسـة العـقـد
واحذر من اللي بالهوى فيـه درقـه=يضحك وحبله بالخفـا يعقـده عقـد
ولاترافـق الهـذار يزعجـك قرقـه=طيبك معه مهدور لـو كنـت معتقـد
ترى الردي لو طاب يجذبـه عرقـه=اقديت في ترك الردي .. وانت بعد أقد
والقاف لو كـادت بحـوره وطرقـه=اطوًعـه تطويـع واقـدمـه نـقـد

الى لقـــــاء متجدد انشاء الله ,,

[؟ فلسفة شاعر ؟]

<<<< المــــــــدار (10 )

لاضاق صدرك وابتدا داخلـك هـمً=وشح الزمان وصرت بالحيل مرتاب
وصار الملل في داخلـك كنـه اليـمً=حتى عيونك للنظر صارت اغـراب
ارفع يديك لكاشـف الضـر والغـمً=ماخاب من وجًه لـه ايديـه طـلاب
الواحـد اللـي بالمخاليـق يعـلـمً=هو الذي لاضقت يفتح لـك ابـواب
لامن عطا من غير كيـف ٍ ولاكـمً=ماشحًت ايدينه على مذنـب ٍ تـاب
يغفر ذنـوب العبـد لوهـي تـردمً=ويستر خفا ذنب ٍ على صاحبه عاب
والنفـس للانسـان تسقيـه علقـمً=ومن لانهى نفسه عن الشر ماصاب
كم واحـد ٍ باسبـاب نفسـه تنـدمً=ماينفعه دمع ٍ علـى العيـن سكـاب
ياقارئ الابيات تكفى !! وقـل تـمً=خالف هوى نفسك ترى قدمك حساب
من قبـل لاترحـل ل/قبـر ٍ اظلـمً=تبقى وحيد ٍ ملتوي فوقـك الـداب
داب ٍ اذا ضمـك ظلوعـك تحطـمً=ضمه ..ماهي ضمة قريبين واصحاب
في ساعة ٍ فيها القبـر كلـه اعتـمً=شي ٍ مخيف وكل من حولك اغراب
يالادمي بادر علـى الخيـر واغنـمً=اغنم حياتك قبل تفريـق الاحبـاب
ترى الحياة اللي بها مـوت ٍ وغـمً=واجل ٍ بها لو طال محـدود بكتـاب
واللـي خلـق يانـاس بعروقنـا دمً=هذي حياة ٍ مابهـا غيـر الاتعـاب

,,,,, الى مادر آخر باذنه تعالـــى .

[؟ فلسفة شاعر ؟]

المــــــدار 11

((( العطا ماهو غريب)))

العطا ماهـو غريـب لابذلـه الصادقيـن=حي والله هالجهـود وديـرة(ن) بعيالهـا
يارجال الخيـر هـذا ديـدن(ن) للطيبيـن=بـارك الله بالرجـال وحـي والله فالهـا
الجهود اللي بذلتوا للوطن في كـل حيـن=واضحه مثل الشروق وفيتـه فـي جالهـا
مركز(ن) خيري يساعد كل من جاله حزين=يسعف اللي حال دونه كلمـة(ن) ماقالهـا
عاجز(ن) عن كل شي ومالـه الا يامعيـن=واستجـاب الله دعائـه والرعايـه نالهـا
والعلاج اللـي يعسـره امًنـوه القائميـن=ابذلوا كـل الجهـود لصحتـه واحوالهـا
في سبيل انه يكون دائمآ وضعـه حسيـن=وفـروا لـه مايكفـي حاجتـه واكمالهـا
راتب(ن) شهري لحده من جهود الصالحين=والصعايب طوًعوها فـي سبيـل اجيالهـا
هذي (عنيزه) لها بقلوبنا حـب(ن) ثميـن=ساكن(ن) فينا هواها لـو تطـول اميالهـا
والبلاد اللـي حباهـا ربنـا بالمسجديـن=طيبها من جود اهلهـا والمكـارم حالهـا
حكمها شرع الأله وسنة الهـادي الاميـن=حبها واجـب علينـا والوفـا يبقـى لهـا
للمليـك ارواحنـا نفديـه فيهـا والبنيـن=من عهد عصر الجدود اللي وفت بقوالهـا