اسمحيلى يالغرام
ان لزمـت الصمـت أو حتـى لبسـت الاقنعـة
اسمحى لى بالغرام العـذب يالوجـه السمـوح
انحـدر كلـى مثـل طفـل تـحـدر مدمـعـه
اعترف لك ما بقى مـن عالـى الهـم سفـوح
ضاقـت الدنيـا بشاعـر طيـب قلبـه ضيعـه
من يبى بالله يفتحلـى غلـق صـدره وابـوح
الصبـر ياهـو يعـذب والامـانـى موجـعـه
ما قبلنا الحظ قولى ويـن ارحـل ويـن اروح ؟
ضايـع بهمومـى الغبـرا بوسـط المعمـعـة
اه يا جود الحـزن ويـاي والفرحـة شحـوح
اشتكـى لوسادتـى دنيـاي واسمعهـا تنـوح
كنها بعضى وبعضى وين هو ؟ من هو معـه ؟
خايض حرب الريـاح اللـى تسـوق الاشرعـة
ايه انـا والعالـم المغـرور واليـاس اللحـوح
و مستوى فى نظرتى غرب الوجـود و مطلعـه
مختلط فى عبرتى حبر الشقـى و دم الجـروح
و فصل خامس حاير بيـن الفصـول الاربعـة
عودى المبرى بقى به من عطايـا الوقـت روح
لا صديـق ولا رفـيـق ولا طـريـق اتبـعـه
و راس مالى ذكريـات حلـم وامـال و طـوح
مختفى صوت الحقيقة .. كيف و شلون اسمعه ؟
نوب اسافر فى سديد الراى و نوب فـى جنـوح
واسمحيلى بالرحيـل بـلا تذاكـر و لا امتعـة
سامحينى دام هجـرى واضـح كـل الوضـوح
تركي
العرض المتطور
