شويتـنـي كـنـي عـلـى جــال مجـهـار
وتـمُـر قـدامــي وتـحـمـس وتـشــوي
وعذبتـنـي تعـذيـب غـاطــس وبـحــار
وانـا مـعـك ماشـفـت حبـلـي ودلــوي
بالـهـون يامخـلـوق يـامـنـوّر الـــدار
بالـهـون لاتـجـرح وتـحـرق وتـكـوي
انـا دخـيـل اروعــك إحمـايـة الـجـار
خلـيـت قلـبـي بـيـن لـضـلاع مــزوي
يافاتنـه روفــي عـلـى قـلـب مسـفـار
على الفصاحة وفي المهمات نحـوي
ماكنـت متوقـع مــن الـنـاس لـخـيـار
وأثر الشقى مابيـن ضامـي ومـروي
لـبـس الـدلـع ماكـبـرت كـــل مـقــدار
ولبـسٍ بلـيـا عــز لــو طــال مـطـوي
ولبيـه كلـمـة حــب للصـاحـب الـبـار
وأنـا اعتبرتـك بالوفـاء عنـد هـقـوي
وتذكـار ماتكفـر عـن الشـوف تذكـار
لابـد مـن لقيـاء لـهـا الــروح تــدوي
ياطيب حظ اللـي حفـظ طيـب لـسـرار
ويصونها عن ريـح صيفـي وشتـوي
وانـا علـى ماشـفـت مكـتـوم لـعــذار
مالي جـدى غيـر الشعـر فيـه نجـوي
أقولـهـا يـاصـاح لــك ســر واجـهـار
وخطر ٍ على قلبي من الرمش يهوي
العرض الشجري
