ياحي هاك المبسـم وحـي راعيـه
الي سكن باطرافـه الشهـد والتـوت
ياسعد من يقرب ثمـاره ويجنيـه
ومن عطره الي شيبه لعنبر الحوت
وياحي هـاك الجـيد محـلا تثنيه
في رزته شموخ والوسط منحوت
في مشيته يطرب وتحسب خطاويه
لقبل أهلي به واغني على النوت
اكتب حروفي شعروبصدق اهنيه
على جمال الشكل والفكر والصوت
وياحي هاك العين والرمش ترخيه
لأغضت خطيرٍ سهمها يورد الموت
فيها قريت الشوق من قبل تحكيه
ومنها بدت رحلة غرامي مع بخوت
رمز اسم من فكري مع القلب يغليه
صار الهوا للروح والماي والقوت
وياحي هاك الاسم لو حيت طاريه
في حضرته على الملا خيم سكوت
للخلد معنى والوفاء ساكن فيه
لحظات عمري معه ماودي تفوت
الله من صدوف اليالي ينجيه
واقطف ثماره وأتغنى على النوت
العرض المتطور
