أحيان يجبرني الخطأ ولاتعلمت
أخطي بردت فعل تضعف حضوري
بس الأكيد أني أبد ما تغيرت
ياغاليه ولا زال صوتي جهوري
ولاني بكامل لاحشى لو تمكنت
الكامل اللي بشوف وجهه سروري
الخالق المنان ربي له أسلمت
يعلم خفايا الروح واللي يدوري
خلفي ومن حولي وأنا مسلم أمنت
بأن الظلام يطول لكن ضروري
تشرق لنا شمس الحقيقة وجاهدت
نار البدع بطباع غصت بزوري
وعانيت كم لي منه ماقد تظلمت
عايش غريب ولا تعديت سوري
وحيد في زحمة هواجيسي أبعدت
من خوفي أسمع مايحلل نفوري
وزاد الكلام بطعن ذاتي ولاهنت
نفسي .. لحدود الله تكبح غروري
ويااغلآ حزن لوتجمع الناس ماصحت
أبي أعترف لك عن خفايا قصوري
خانت بي الدمعه وأنا اللمها خفت
العالم اللي ما يقدر شعوري
ولازلت أصارع واقعي ولا تكلمت
وللحيـن أمثل راحتي في ظهوري
العرض المتطور
