الله من حرقه

[نديم القصيد]

اقتباس المشاركة الأصلية كتبت بواسطة الطلحي2000 الله من حـرقه بكبدي طعونها=يـوم أشـرت بـاليد وأقفت ظعونها واقف وكن السيف مغروز بالحشا= وجـاوبت بالـدمـع عـيني عيونها كني صويب القوم في ساحة الوغا= راحـوا عنه ربعـه والأعـداء دونها وإلا مسـافر يشتكي غربة الوطن=أو دار مهـدومه وطـاحت ركـونها كل مابغيت انام سـاعه من الزمن=قـامت هـواجيسي عـليّه بشـونها ماحـد درى عما في بالي وخاطري=وماحد درى عن عصفها من سكونها الله يـاترف سـبا الـحـال ودهـا=حتى ظـنوني تتفـق مـع ظـنونها طـعم الفـرح مـاطب بالبال عقبها= ودنيا السهر عضـت عليّه سـنونها والعين تشـكي بـأزرق الدمع حالها=خـوفي عليها يعمي الدمـع نـونها لـو باتسـلّى ياحـمـد مـانسيتها=جـديد في قـلبي والأحشـاء كونها الله مـن فضـله وجـوده يـردّهـا= وإن ماحصـل اخاف انا من جنونها

يعطيك الف عافية شاعرنا واستاذنا الطلحي2000
رائع من شاعر رائع
يسلمو على هالطرح الجميل
تقبل فائق احترامي وتقديري لشخصكم وشهادتي فيك مجروحه