يضيق الصدر والا ما يضيق الصدر يالاسرار
انا لازلت اصونك عن كلام الناس وانباها
لانك راس مال العاشق الي ما لقى لك دار
سوى قبر الضلوع الي بدت تفقد مزاياها
غلاتك من غلاة الي طلبني ابعد الاعذار
وحارت قسوة اعذاره في عيني وانسكب ماها
بروتوكول صده لي تركني بالهوى محتار
ادور في سياساته وفا يشرح لي مبداها
تفرعن حبه بقلبي وفكري يُبدِي استفسار
هل امطار المحبه تروي افراح ٍ ضميناها؟
جواب الفكر اشعر به واشيله داخلك بوقار
يا اثقل اسراري واعلم دروبي كيف ممشاها
شعورك داخلي جاير وانا خايف ارد الثار
اخاف اشعل فتيل حروب احاسيسي ضحاياها
كتمتك اول سنينك صغير وتجهل الاشعار
كبرت وصارت آآهاتك قصيده مر معناها
إلهي رمم اسوار الضلوع الي بدت تنهار
وجدد همة آمالي عساني اظفر احداها
العرض الشجري
