بعثريني فوق رمله وانثريني يا رياح
واجمعيني مثل غصنٍ محتواه أربع ورود
وردة العشق الطفولي بالوفاء والانشراح
وانتمائي لجل طفلة حبها ما له حدود
عقبها وردة ودادي والغلا بالعود فاح
عشقها بأول شبابي عشق يجتاح الوجود
ثم وردة من صفاها حسن متزايد ولاح
كنها في مزهرية عنق متعانق خدود
وآخر الوردات حبي لونها بالدم ساح
في حنايا الروح روضة والحلا لاسمك يعود
لك أنا من غير كلفة لا دموع ولا جراح
لك أنا كلي وبعضي وكل ما فيني وزود
لجل ضحكة وابتسامه جيت أطلبك السماح
جيت في لهفة وكنه صاب بالحالة ركود
منية القلب احتواءك ومنيتي ما راح راح
نبتدي صفحة جديدة جيت يا لقلب الودود
جيت شايل وسط كفي ورد يرويه الصفاح
جيت عل الروح تحيا لك معك لين اللحود
كل عشقك يحتويني وكل عشقي لك مباح
أعشقك في أي صورة واعشقيني يا وجود
يا بشر ما هي بسيطة سيدة أروع ملاح
في دلعها في وفاها دون شرط ولا قيود
كلها رقة ورقة كلها وأحلى مزاح
تغمر الدنيا سعادة وتنهي الحزن اللدود
حسب ظني ما سواه تعطي القلب الصراح
بعد ما ذقت المرارة وابتدى أصعب صدود
خبروها عن سهادي والسهر لين الصباح
خبروها كيف ليلي صار يجتاحه جحود
عقبها ما ذقت راحه كن في قلبي رماح
من سهام البعد تطعن والدموع اغلى شهود
جرحت خدي وخدي من جراجٍ في جراح
ويلها كيف اتركتني عقب كل ذيك الوعود
عقب ورد أحمر هدتني وعطرها اللي بالوشاح
أهدت القلب الأماني لجل ماضينا يعود
العرض المتطور
