عجزت أحكي لك إحساسي واترجم لهفتي بالبوح
عجزت إني اعيش بصمت ليا من طال يذبحنـي
حياتي شفت هالدنيا بهـا نـاس تجـي وتـروح
ماهز هالقلب وإحتلـه ياكـود إنسـان يسكنـي
قسم باللي خلق ذاتي وخلى في الجسد هالـروح
قسم باللي ليا من مت وصرت عظـام يجمعنـي
أحبك والغلا صادق ماهو لعب وسـلا ومـزوح
نزل دمعي نزف جرحي وذاك الشـوق عذبنـي
أحس الكون في عيني فنى وما عاد له مصلـوح
مدام إللي أحبه حيل لا أجيه ولا يجـي عنـدي
أنا لا من كتبت وهمت حكي حب غدى مذبـوح
صرخ قلبي بـدون شعـور كفـى بالله إفهمنـي
حبيبي جاك إحساسي على صافي نقى ووضوح
كتبته قبل ما يومـي تجـي الأقـدار ويكتبنـي
وإذا قلبي خطا إعذر وقول : إنه بعـد مسمـوح
وإذا حبي معك قصـر أمانـه منـك سامحنـي
أبكتم حسرتي لكن بقول : إنـك بعـد مسمـوح
وأبخفي عبرتي فعينـي قبـل دنيـاي تعدمنـي
وتأكد حبـك بقلبـي لآخـر ماتـروح الـروح
لأني مـدري ساعتهـا مـن إلـي قـام يدفنـي
العرض الشجري
