... وش آخر سواليف الهوى معكم ...؟! تدرون ...؟!
أنا عشقت البارحة
والبارحة ياصار شيء ...!!
البارحة بس [ انا ضحكت]
والبارحة بس [ انا بكيت ]
والبارحة بس [سهرت لين الصبح ]
اثر الهوى مجنون ...؟!
سمعت من وحدة تقول
( إن الهوى مثل الربيع ينبت على شفاه البنات .. وإذا ضحكوا طاح الكرز )
و سمعت من وحدة تقول
( إن الهوى مثل العطر يفوح بانفاس البنات .. وإذا حكوا فاح العطر )
وسمعت من وحدة تقول
( إن الهوى مَلْعُـوْنْ ابو .. وهو سبب موت البنات .. وإذا عشقوا ماتوا قهر )
و وحدة تقول
وأُخرى تقول
والحين أنا فعلاً عشقت
وانا اللي خلوني أقول
تدرون وش معنى الهوى ...؟!
( ... موت وحياة ... )
وانا عمري القديم ... وقلبي القديم ماتوا جميع البارحة
والبارحة انا حييت
بعمرٍ جديد
وقلبٍ جديد
وعشقٍ مثل طعم العسل ...!!
وأثر الهوى عين العقل
وهم يقولون الهوى دايم جنون ...!!
وحتى إذا عشقي جنون ... يبقى الجنون عين العقل ...!!
واثر الهوى كله عبث ...
( لكن يجي منه فنون )
الله على العشق النظيف ...!!
عشقت لي قطعة قمر ...!!
رجال ... مو رجال بس ...!!
وربي يـآ هو كل الرجال
كله احاسيس ... وغلا
كله وله
زرع على شفاهي الدلال
إذا ضحكت ... يبكي
ياربي عليه
وإذا بكيت ... يموت
وعساي انا قبله أموت ...!!
وإذا لمس كفي بعض كفه شهق
بسم الله عليه
وقام يهذي ...!!
ويقول لي أحلى قصيد
وإذا انتهى ... يرجع يعيد
إلين أنام ...!!
تدرون البارحة وش قال لي ...؟!
البارحة قال:
تكفين ودي تزعلين ...!!
وإذا انا غالي عليك لعيوني تكفين ازعلي ...!!
تدرين ليش ...؟!
بصراحة خفت
... وقلت...
( ليش...؟! )
يقول:
ابي اتلذذ وانا اطلب رضاك
وربي لـ سوي كل شيء ..
إلين ماترضى علي ...!
وحتى إذا صار ورضيتي ...بـ ارجع بعد وازاعلك
...واعود أطلب لك رضاك ...!
واسوي كل اللي تبين
بس ازعلي خليني انعم بـ الزعل ... وانعم إذا ترضين
وربي جنون ...!!
شفتوا الهوى وشلون ...؟!
حتى في وقت الزعل يحلى الهوى
ويحلى بعد إذا رضيت ...!!
ياربي وش هالحظ الحلو ...؟!
احس انا فعلاً حييت ...!!
كان الزهر اسود ...
والليل هم ...
وكانت سواليفي حكي ...
واحلامي شتات
الله على عشق البنات ... موت وحياة ...!!
يا الله ناموا يابنات
بروح أنا في غرفتي
أجلس انا وقلبي جميع ... بلحالنا
نقراء دواوين الشعر
ونضحك سوى ... ونبكي سوى ...
ونـ نام ونتغطى باحاسيس البنات إذا عشقوا ...!!
ونذوق لو مرة دفى ...!!
مــمـآ رآق لــ ـــي ..
العرض العادي
