.:/ خيـ‗__‗ــآل الوٍآقعيـ‗__‗ــه /:.

[قـيـس نـجـد]

يالله ياللي تسجد الخلق لرضاك *** ياواحد(ن) كل المخاليق ترجيك

ياواحد(ن) مجري عظيمات الافلاك *** ويكفيك تنظر صوب الافلاك يكفيك

ومن بعد ذكر الله نبدا بما حاك *** فالنفس نذكر بعضها ثم ننبيك

امر الرجال اللي يهمك ويعناك *** نذكر امور خافية كان تخفيك

منهم ليا جيته يرحب وحياك *** يبدي لك الترحيب من غير تشكيك

وليا مشيت ورحت منه تولاك *** سبك وحط زيادة(ن) فوق مافيك

ومنهم كثير الحكي بالقول فتاك *** ينقل كلام ولو خطا فيه يبديك

بين المجالس قال هذا وهذاك *** هذا شبيه وبالشبه يشبه الديك

ومنهم ليا جيته يناظر بمخباك *** يناظر بمخباك دفتر من الشيك

ان شاف مايبغي عزمك وتبلاك *** حلف عليك ولو هو مايدانيك

وان ماوجد ماراد قفى وخلاك *** لو زان فعلك مايهمه حسانيك

ومنهم سفيه(ن) لانصحته تبلاك *** ماشي على دربه وقصده تحديك

هذاك لاتنصحه بالقول بنهاك *** لامن نصحته لازم انه بيبليك

بالك تماشيهم فحذراك حذراك *** منهم ترا الجربا على القرب تعديك

صاحب لمنهو طايع الرب فكاك *** حلال بالحكمه يحل الشرابيك

اللي جمع دينه ودنياه هذاك *** خله صديق لك وخله يماشيك