تعال خـل الحواجـز لاتكثرهـا
مابيننا غير حب وشـوق قابلنـا
والكلمه اللـي ابيهـا لاتأخرهـا
كلمه وهي التي تبغـى تواصلنـا
احنا الضروف ان بغينالك نسيرها
بس انت اجزم وقل يالله توكلنـا
طالبك في وجهي انك لاتسكرهـا
قدر جميل الغلا وقـدر رسايلنـا
واطو الليالي ولاعمرك تذكرهـا
مافات مات ومن الماضي تمللنـا
نبغاك شهد الحياه وحلو سكرهـا
لامال واجد ولاكنك تـرى املنـا
عندي مشاعر ولاكن كيف اعبرها
ملفوفـةٍ بالخفـوق وماتعاملـنـا
والشعر جاني وقال انـا اقدرهـا
عل الشعر لاكتبته بـك يجملنـا
ماودي اكتب رمـوزٍ ماتفسرهـا
وماودي ابوح مـن ثـمٍ تخجلنـا
ادري مشاعرك فاضت لاتنكرها
وحنا بعد مثلكـم لاكـن تحملنـا
من صابه الحب مايعرف يبررها
رح اسأل الناس والا تدري اسألنا
العرض المتطور
