يا حزن من بابك أنا والله استحيت
من كثر ما .. أســّــند على الجدران ظهري
دقيت بابك والخجل خده رويت
وانت الخناجر ما استحت من شق صدري
يا حزن بعدك في الشهامه ما لقيت
علق مفاتيحه كما عقد ٍ بنحري
جودك عليا بالكرم فيه انتهيت
حتى جيوبي ما اشتكت منك بفقري
قل للفرح كم مرة(ن) بابه وجيت
هي مرة(ن) لا غيرها جيته بعمري
ليش يالفرح للي على مثلي قسيت
ليش في بعادك تنحرق آهات صدري
ليش كل ما اتوضاك ولا قد نويت
اني اصلي فيك يستسقيك غيري
تشهد زوايا الحزن كم فيها بكيت
وكم على الجدران قد خطيت شعري
درب الألم وحدي انا له قد مشيت
أفلست ضحكه ترتسم من فوق ثغري
يا حزن في طاعه أنا لك ما عصيت
تكفى بربك رق في مغلوب أمري
ما انا بحي(ن) فيك لو انك تميت
توعدني ارحل مثل ما توعد بقبري
حتى بطرفك عني ما لحظه سهيت
تسهر معي وتصب لي بالكاس قهري
مثلك كما حيه على جسمي لويت
في ثوب ناعم ملمسه بالحيل يغري
ليتك دراهم كنت لك والله عطيت
مهرك ولا كان الشقا منك بمهري
يا كم عليك يا حزن دعوه قد دعيت
دعوه ولا غير الدعا هو كل ذخري
نذرت اني لو عن اوطانه نجيت
لـ .. صوم واصلي من الأضعاف عشري
يا طير احلامي وخوفي لو نسيت
معنى وجودي بعد ما طاولت هجري
وينك عن احساسي ولا مره ضويت
من كثر شوقي اهمسك نجوى بسري
ما عاد في بعدك انا والله قويت
ما عاد في الايام من عمري ببدري
العرض الشجري
