سوالف ليلي وطيفك حزينه! والقلم حساس
ذرف حبره, ودور له حنان وضم قيفاني
على خد الورق صب الهموم وكحل القرطاس
وأنا يا ( بدري ) وش بيدي أسوي حبك أعماني
شهقتك والغلا يخنق زفيري والغرام أنفاس
تنفستك من أول ما تنفس صبحك وجاني
تحكمني خفوق لجامه عروقه يقود الراس
صرخ يا حلم أبــ اوصلك, غصب عن كبوة حصاني
حبيبي وان غدا عمري صحاري والهبايب ياس
ترى برق ٍ تلوفه شفتينك بالأمل آني
ياغيمه تسقي أشواقي حنان و تتعب العساس
تعبت أرقب مواري جيتك من فوق ريضاني
بساتيني طموحات و أماني والأمل غرّاس
سقاها صبري من جدول ( حبيبي صعب ينساني)
يا طيفك يا بقايا ضحكتك! في شمعة الجلاس
أخاف تذوب وغيابك ظلام وقربك ألواني
أنا وحدي في هالظلمه, يوقد لهفتي الهوجاس
حبيبي حايل ظروفك تجمعنا على شاني
ليا هب البراد وجيت لضلوعي مع النسناس
أبفتح لك صدر فكري (هلا) وأشب وجداني
تجي قهوة خفوق وهيل راس وصدري المحماس
يفوحها طرف فمي وأزل حروفي وألحاني
أنا وأنتا وثالثنا الشعر وحروفه الوسواس
يوسوس لي على وصفك وأخاف أوهق لساني
أخاف أوصف وأقلل فيك وأطلع لك بلياإحساس!
وأخاف أوصف وأكثر فيك يطلع هـ الشعر زاني
لأنك حلمي من عقب السواد بضحكة الأعراس
ولنك , <أبشع أفراحي !(غياب)>, وأجمل أحزاني
ولنك حلمي في نور السبيل لقمة النوماس
ولنك غربتي , ولنك رحيلي ,ولنك أوطاني
تصدق لو بغيت أوصف وجودك داخل الكراس
مرايه تعكس سطوري وتاريخي وعنواني
وتصدق قد ما تشبه ملامح قصتي لنـّاس
عجزت أنـَبـّش أوراق الشبه وأزريت للقاني
بقى صدر القصيد أوفى البقايا والقصيدأجناس
جمعها حبك وجتني خذت من زود حرماني
(نظل الماس !لو يد الفراق تشتت الألماس
ولو ما جمع العقد الوصل , بريقنا ساني)
غريبه قصة أحزاني معاك, وحلمي المياس
تمايل داخل عيوني وفي وصله تحداني
والأغرب قد ما طيفك تركلي هالظلام وناس
روى حلمي أمل وأشواق وآماني وخلاني
في ظلمه ,والعصا عزمي ,وأشوف بكفك النبراس
تعال ومد لي نورك, تعبت أعيش وحداني
العرض الشجري
