.. ~ {وش تقــول للــي فـ بــاللــك } ~ ..

[عاشق الأحساس]

دامك نظمـت الشعـر .. فالله يعينـك
دام القصايد ملحها .. قلب وإحسـاس
يبا يطير النـوم .. وتشيـب عينـك
من قسوة الأيام .. ومخالـط النـاس
القـاف .. لابـدّه يبـيّـح كنيـنـك
روح ٍ تعلّـق بيـن حبـرٍ وقرطـاس
الشعر عضدك فـي فرحـك وحنينـك
متقلّب ٍ شكله على أخماس وأسـداس
لوتفلتـه يقلـب علـيـك ويديـنـك
ولوتضبطه..لبّسك تاج ٍ على الـرأس
لاتحْسبنّـه لعـبـة ٍ فــي يديـنـك
تبني بيوتـه مـاش وزن ٍ ولاسـاس
يمنـاً كريمـه لوتعـانـق يميـنـك
تلقى بها صيـت ٍ يسـرّك ونومـاس
زينـه يزينـك دام شينـه يشيـنـك
وأنت إحسب الحسبه على قيس وقياس
ماقلـت حطّـه فـي غـلا والدينـك
ولوّك تعـدّه مـن عيالـك افلابـاس
عـزّه يعـزّك .. لاتهينـه يهيـنـك
لاتجرحه .. في دق عـود ٍ ومـرواس
خله على راسـك .. وكحـل ٍ لعينـك
ذخرك .. ليا كضنّ معاليـق الأنفـاس
واحـه لخلاّنـك .. وثالـث ثنيـنـك
وحصن ٍ حصين ٍ دون واشي وبـلاس
الشعر يالشاعـر.. مشاعـر سنينـك
رسم ٍ رسمتـه بيـن راس ٍ وكـرّاس
خل الجروح ترووووح بينـه وبينـك
مثل اليتيمه .. بين أبودباس ودبـاس
وأنقل للأمة حااااااالـة أحفـاد دينـك
كيف الهوان..ووضع مزري..وحساس
وإزرع زهور الشعـر فـي راحتينـك
وإكس الورق عقد الزمرّد والألمـاس
وأحي القلوب بـروح عفـوك ولينـك
وأسق العروق اللي من الهـم يبّـاس
وليا رجحت الشعـر .. فـي كفّتينـك
زله وصبّه .. دلة ٍ تجـلا الأعمـاس
ولاتلتفـت فـي نقنقـة حاسديـنـك
صمتك ..على كبد العدى .. سِمّ ندّاس
لومانت شاعر .. والشعر روضتينك!!
مادقّّت حروفك .. مثـل دقّ الألعـاس
ماقلت يالشاعر .. عسى الله يعينـك؟
دام القصايد ملحها .. قلب وإحسـاس
يبا يطير النـوم .. وتشيـب عينـك
من قسوة الأيام .. ومخالـط النـاس