من زعلك يا حبيب القلب خبرني؟
مقساه يقدر يشوف الدمع بعيونك
تفديك روحي حبيبي..قول آمرني
تريد أنزع قلوب اللي يزعلونك؟
الدمع في مقلة عيونك يدمرني
واخاف حتى على عيونك من جفونك
أذوب في بسمة شفاهك وتسحرني
مسحور مبهور طاير في سما كونك
لو تهت في حضرتك ارجوك تعذرني
أهيم في نظرتك واصير مجنونك
ارسل سهام النواظر ولا تحذرني
ما قول يكفي ولا بقول لك هونك
انطق أحبك..تكلم قول بشرني
إروي زهوري بشي من هلة مزونك
ولهااان ارجوك بالنظرات امطرني
أموووت يا مهجتي لا صرت من دونك
قرب خدودك من خدودي وعطرني
وضمني للجدايل لي على متونك
العرض الشجري
