اخذيني اليا عجبتك بس رديني وان ما عجبتك خلاص اخذينـي مابينـي
ما دامني شفت فيك الطهر و العفة باعيف نفسي ليـا منـك كرهتينـي
اخذيني لو أعتبر من ضمن أشيائـك وأنـا باحبـك و لا لازم تحبينـي
لابي علاقة و لابي نظرة و بسمه احساسي اني بقربـك بـس يكفينـي
ولو اني انضفت لاشيائك غصب عنك طلّي علي يا غناتـي لا تخلينـي
تراي لا جا المصامد ماني بهيّـن تقـول كـن العـرب لعبـة بيدّينـي
شخصيّتي من غرابتها و طيبتها كن الزمن في تحـدّي بينـه و بينـي
اخذيني الشاعر اللي ما صدق حظه لا قلت يا حظ وينك قـال يـا وينـي
اخذيني المبدع المتفلسف التحفه مؤمن و تضحك على العالم شياطينـي
شهرة شكسبير و أفلاطون و نيوتن لا قلت لي بيت شعر تطيح من عيني
اخذيني العنصري اللي صدق متعنصرمن دون ربعي لو أقطّع شرايينـي
اخذيني اللي ليا منه طلب يعطـى وتكفيـن لا مـن طلبتـك لا تردينـي
تكفين يا غايتي يا بهجة الدنيـا اباحـرق قلـوب نـاسٍ مـا تدانينـي
اخذيني بكل شوق و قولي أحبّه وان شكّكـوا فيـك والا فـيّ ضمينـي
قولي قيس و الله انه غالي جدا وياجعل فدوه شبابـي و آخـر سنينـي
وأنا باصدق كلامك و اعتنز بالله وباقول للنـاس مـا يعنيـك يعنينـي
العرض الشجري
