كل الليالي في غيابه عتمه=والليل مالي بسهرته من دونه
لاياغياب قد قتلني رتمه=ودي يوقف عالمي بعيونه
توي دريت ان الغلا له وصمه=تفضح ملامح عاشقه مجنونه
وتو ه ضحك حظي وجات القسمه=مع نور عينآفارسآ يطرونه
كل القصايد قاصره في رسمه=وكل القوافي تستحي من لونه
احتاج له مثل البحر للنسمه=وارقى على شانه واخيل مزونه
واترك هواجيسي بوسط الزحمه=واجلس بقربه واستظل جفونه
واعلمه بإن الغلا من كلمه=مرت على قلب تداوي طعونه
ومن يومها ردت لروحي البسمه=والهم غاب وراقت المحزونه
وحتى الشعر لجله تغيير نظمه=واطلق بحوره للذي يقرونه
واعذب قصيدي كان شايل اسمه=وسيطر على تركيبه ومضمونه
وارتاح بالي من ليالي عتمه=كانت كئيبه مظلمه من دونه
العرض الشجري
