فضيحه وابتزاز الفتيات.....قضيه المجتمع

[mooad3]

أعوذ بالله من هالشباب التالين ..

الله يستر على الجميع ويكفينا الشر ..

ماعندهم إلا تصوير وفضائح وتهديد وفلوس ..

من طاح بين يديهم معاد يطلع وهو يشوف الشمس

ياتدفعين يامافيه فكه ..

امتلت الجرائد ودفاتر الهيئة واقسام الشرطة والأماره من قضاياهم ..

ياحليل الأولين

قلوبهم بيضاء وعلى نياتهم ومتعوذين من ابليس ..

من يوم يقول واحد منهم خلصنا ..

وكل واحد مظفظف قشه ومودع الثاني وسامح من خويه ..

وداعي له بالبركه والذكرى الحلوه ..

وكل شي صار بينهم مندفن في وقته لين تقوم ناقة صالح ..

هذا غير إنه يستحي اذا جاء طاريها

ويغار ويستر عليها حتى لو تركته ..!!

أما التاليييييييييييين

ياااااااااااااوك منهم

ياكافي ياكافي ..

تقول مسعورين والبلوتوث رابطينه في سنونهم ..

وماعنده إلا سلم واستلم أو اسمح لي ابفضحك ..

انتبهوا تكفون يابنات

واحفظن انفسكن لاينضحك عليكن ..

ترى قصص الحب العذري وصارحيني والطرطشه راح وقتها ..

الحين مافيه إلا مصلحة أو فضيحة بجلاجل ..!! وكل صورة ولها سعر معين على حسب شكلها ..