سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ...
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه
خلى لعيوني كثير من البنات ... على شاني
خلى نورة وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!وآنا اراه إنه غرامي ... وهو بعد مثلي يراني ...
إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله
قال لي مَرة اناظر ...
قلت حاضر
يا الله ناظر
يوم ناظرني بكيت
ما تحملت الهوى بعيونه السوداء
وشكيت
قال يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك
وإن خطبني لا تردونه يا يُمه ...
آنا ابيه
قولي ( تم )
لا تخلين العُمر يمشي الم ها يا يُمه ...؟!
قولي ( تم )
...........................
تم وتم وتم يا بعد عيون امك
خلي يتقدملك وصال يا بنتي كل اللي تبيه
روعه وربي قراتها مرتين ونفسي اقراء المزيد منها
يسلموووووووووووووو وربي يتحقق كل امنياتك في الحياة
العرض المتطور
