اخر عباراتي وداع... وأخر مشاويري رحيل
جيتك وبي لفحة ضما واقفيت كبدي ناشفه
اصعب كلام اصعب خبر صرخة عقب صمت طيل
مثل الهدؤ اللي سبق لحظة هبوب العاصفه
وانتي بمتناول يدي... تبدين مثل المستحيل
في عشرتك صوت العقل يقتل طموح العاطفه
الحب ماهو كل شي اليا وقف حظ بخيل
قلوبنا مثل العسل بس الظروف مصالفه
لا للندم .. لا للعتب.. اوشي من هذا القبيل
وانتي ما جا منك خطا حتى تقولي اسفه
من غير ليه استسلمي واستلهمي صبر جميل
ولا تسأليني وش جرى مالك بطول السالفه
قولي لهم ياعزوتي ماعابنا موت النخيل
اللي يوافيها الاجل وتموت لكن واقفه
آخر عباراتي وداع آخر مشاويري رحيل
جيتك وكبدي ناشفه واقفيت وكبدي ناشفه
وسلامتكم
الشاعر مساعد الرشيدي
العرض العادي
