تدري وش اللي حدني للقصايد ( من قديمي)

[هجير الشتاء]

اقتباس المشاركة الأصلية كتبت بواسطة معدي المراقيب تدري وش اللي حدني للقصايـد = جمر وبرد ومع الرموش الطويله البارحه عن جملة الخلق حايـد = ماكني ألا فـوق جمـر المليلـه أشكي على نفسي ولا به فوايـد = عجزت لا ألقى لي رفيق أشتكيله أنوح نوح الورق فوق الجرايـد = ماعاد له جدوى ولا له وسيلـه عليك ياللـي كاسيتـك القلايـد = ياصاحبي يابو العيـون الكحيلـه فيك الحلا ياناعس الطرف زايـد = وفيك الدلع خلٍ يلاعـب خليلـه الزين زينك سربهن وأنت قايـد = خصرٍ نحيل وفوق هذا طويلـه والردف يشكي من رفيقه عوايد = شفت الظهر في وقفتك ينحنيلـه وليا مدحتك مابـه أيـة جدايـد = كم واحدٍ خليـت نفسـه ذليلـه تدري وش اللي حدني للقصايـد = طيفك معي في كل يـومٍ وليلـه قصيده كتبتها في عام 1418 هـ وجدتها الآن في أوراقي وأحببت أن أطلعكم عليها

آثاريك عود يا يوسف !

ما شاء الله عليك بالعاده الشخص يجيد الوزن قبل السبك والحبك وانت قلبت الآيه..

الزين زينك سربهن وأنت قايـد = خصرٍ نحيل وفوق هذا طويلـه
والردف يشكي من رفيقه عوايد = شفت الظهر في وقفتك ينحنيلـه
**

ارحم قلوب الضعيفين مثلي ...
قطعـّت كبدي واحتسيت المراره
بيتين خلن زاهد البيض يغلي
تقول ناره ما ابتدت من شراره
شلون اروح القاف عنها واولي
وساقي كسيره حايقتها مغاره



صح لسانك يا يوسف ‘‘‘ والزرق على الله