السلام عليكم ورحمة الله وبركاته
اخواني الا عضاء واخواني الزوار
هذه قصيدتين ارجوا ان تحوز على رضاكم
ارسل عبيد سفر المطيري الى ناصر مخلد المطيري
قصيد يشتكي
وقال عبيد:
قالوا توده قلت ماعادبه ود
وده يابو مخلد من القلب ماحي
ولا عاد له وسط الضماير مقاعد
حبه نثرته مع هبوب الرياحي
واليوم قلبي عن خوته صد
ريح ضميري والخفوق استراحي
الصاحب اللي للمعاريف يجحد
في خوته ماعاد ليه صلاحي
واليوم عنه احساس قلبي تبلد
انهيت عرفه من جميع النواحي
الشاعر/ عبيد سفر المطيري
رد ناصر مخلد المطيري على قصيدة عبيد سفر
وقال:
ياشاكين للود لا تشكي الود
الود يتعب زارقبن الرماحي
كد تعب ابن حميد والخس بعد
بعد عن ديار الحبيب وراحي
ان كان تطلب فزعتي ماقدر اصد
ابشر بما تطلب بكل النواحي
لك مني اليمنى وبندق ومجند
وجمسن جديدن مورده الجماحي
هذي تراها فزعتي كان تنشد
يمناي ماتترب مقدم سلاحي
الا ان خلك عنك ماعاد ينشد
في ذمتي ياعبيد ماهو بصاحي
انا خويك لا جفا الوقت واحتد
وابشر بعزكدام هالراس صاحي
الشاعر/ناصر مخلد المطيري
اخوكم/ مسعد المطيري
العرض الشجري
