بسم الله الرحمن الرحيم
كانت العائله الكريمه طالعه للاستراحه يوم الخميس واتصلت علي امي وقالت تراك انت الي تبي تجيبنا اليوم قلت سمي
ورحت مبكر للاستراحه الساعه 10 و تنحنحت ويوم دخلت والي تقول اصبر اصبر هيله وين جلالي
ياحول بغت تبسط
عاد
يوم دخلت وشوف العجز منكبات في الصاله وكان الي فيه
خالاتي و زوجات خوالي وبناتهم
ومنهم الي تسولف هي وحده والثاني تكلم وثالثه منجطله وهذيك تناظر مقاطع جوال اهم شي
قلت تعالو تجمعو يوم تجمعو قلت عندي لكم هديه قالو وشي قلت هل جوال ----> رأس مالي هو
بس بشرط
قالن وشو قلت الي تتصل على رجلها وتقول له يابوعيالي انا ماتعشيت جوعانه ويرد عليها بسلوب رومنسي ويقول ياقلبي اختاري اي مطعم اوديك لمه ولا من هل كلام
ابعطيها هل جوال
عاد البنات المتزوجات حمر وجيههن
اما العجز تقول عارفين ارد من هل شيبان
توقع وش صار الرد من اغلب الرجال مع انها مضحكه جدا جدا وبعضها كانت رمنسيه جدا
بس ابي انتم لو يحصل لكم الموقف هذا وش رده الفعل
طبعا للرجال لو تتصل علي زوجتك بكل صراحه وش تقول لها
وللزوجات وش يبي يرد عليك زوجك
مع العلم اني لقيت ردود رومنسيه غريبه من اشخاص ماتوقعت انهم رومنسيين
على العموم انزل لكم ردود رجال خالاتي و خوالي بعد ماشوف ردودكم
العرض الشجري
