اجمل ماقيل في رحيل الامير فيصل بن فهد من اشعار الراحل طلال الرشيد رحمهم الله جميعا،،
يالله ترحم كبير القدر .. عالي المقام
وتوسع القبر في وجه العظيم الجزوم
ويالله تجبر عزى من له عزى بك وصام
عن غير ذكرك وشكرك .. ساجد مايقوم
ياقبر .. بك واحد .. يسوى جميع الأنام
أبو اليتامى .. اخو المرضى عطوف رحوم
ياقبر .. بك حر أشقر .. فيه كل الغمام
ابن الكريم الكريم .. القرم وابن القروم
يالله يلقاك يضحك .. يوم نبكيه دام
فعله لوجهك .. وأنا شاهد لخير الكتوم
ياخالد * العذر لو يرضيك صدق .. وتنام
وشلون أبكذب على نفسي واصدق .. وأنوم
ياخالد* انت الوحيد السالي اللي يظام
الهم همه وهو خالي بليا هموم
ياخالد* أبوك خالد بالفعول الكرام
ماوالله يموت في قلبي كحيلان دوم
السبت .. مر .. كريه .. كان ظهره ظلام
مامر مثله على وجيه الرجاجيل يوم
ياموت وأستغفر الله.. لو تعرف الحرام
ماكان أخذت الذي في موتته موت قوم
الشمس .. والشمس لاغابت قفاها عتام
والفرق فيصل ليا من غاب .. نوره يدوم
بعض العرب لافقدته .. يجبرك به كلام
مير البلا لافقدت الفيصلي العزوم
* خالد : اصغر ابناء الاميرفيصل بن فهد,,
العرض الشجري
