افضل هاذي الابيات على الترحيب :
يا عابر الخاطر تصورت معناك
لاشك ما كل الخواطر تقال
خذ صورتك لى جيت ساري بمسراك
مالك بها مصلوح تبقى ولا لي
تلقى من الشعار الاقصين ذولاك
من ياخذ المعنى على كل حال
وانا اتخير عن معقل مطاياك
مركوبة الفكره وافك العقال
اما سريت الليل مع نجم الافلاك
والا مع شمسي تبعني ظلالي
اوزن كلامي قبل يكتب بالابواك
واقلب المعنى على ما طرى لي
الورد طيبي واتسوك من الراك
والثوب ضافي والصر راس عالي
الناس تفنى والمباني والاملاك
والقول يبقى والخبر للتوالي
الشعر معنى حكمته بعد الادراك
وما كل ما يلمع على النور غالي
والشعر صوره شاعره فيه تلقاك
اما لبس لك جوخ ولا سمال
يالله يالمعبود انا لذت بحماك
من كلمة تنقال تنقد عليها الرجال
العرض الشجري
