شفت الويل من الناس في اشياء بسيطه ولكنه في نظري قويه واللي اقوله الله يعغر ويرحمنا برحمته
الحين نطلب من الله الرزق ونطالب بالوظائف والعيشه المريحه والستر واشياء كثيرة ونحن لما يجي وقت الغداء ويجينا الرز والدجاج ناكل ونبقي نصف الاكل وبدون اي خوف من الله وغضبه وبلحظه نقوم ونكب الرز الباقي والدجاج على السفرة طيب ليش كذا الى هالدرجه نحن لانخاف من الله يحرمنا من الاكل اللي قاعدين ناكله او وش ابي افهم ؟؟؟
ليش مانحتفظ بالاكل الباقي لليل مثلا او ليش مانحط من الرز على حسب اللي يشبعنا نقدر الشيء هذا مع الوقت لاننا كل يوم ناكل رز فمانقدر نقدر كم يكفينا ؟؟؟؟
وفي ظاهرة اخرى وهي اننا وقت العشاء خصوصا نترك اكل البيت ونلجا للمطاعم ويالله ياشورما او يابروستد دجاج او همبرغر او غيرها مع علمنا ان هالاكل كله والله يعز النعمه ويعزكم وسخ لان اللي يسونه ياهنود او فلبنين او غيرهم مو نظاف مثل الام او الاخت ووش دراكم هم وش يسون فيه والله اني شايف برنامج على الطباخين طبعا في امريكا يحطون في المطاعم كاميرات فحطو كاميرة في المطبخ بدون مايدرون الطباخين من شان فيه سرقته تحصل في المطعم ومايدرون مصدرها فحطوا كاميرا من شان يعرفون من الحرامي والله ياشباب انهم مطلعين شيء اعوذ بالله والله اني اخاف الله واستحي اني اقوله ولكني راح اقوله من شان اكون سويت اللي علي نبهتكم ونصحتكم وانت بكيفكم
تدرون وش يسوي طبعا هو قدامه قدر او صحن كبير وفيه العجين وهو يحط عليه الماء ويخلط العجين من شان يسون خبز على مااعتقد
تعرفون وش سواء والله انه بدال مايكب الماء على العجين قام يبول (يتبول) عليه ويخلطه اعوذ بالله ....والظاهر والله العالم على قناة artحقت الحوادث تقريبا
لا وفوق هذا لما نظلب مثلا 3 بروستد وحنا 3 شباب نقوم من على الطاوله ونصف الاكل باقي ولا همنا شيء وندفع فلوس ونقول يالله لك الحمد يالله انك ترزقنا
وانا اقول اللهم امين بس وشلون تبون الله يرزقكم وانتم والعياذ بالله تستهزون بالنعمه سواء عن قصد او عن غير قصد .
الشيء هذا حز في قلبي من شان كذا اسلوبي بالموضوع كان متشدد شوي او متنرفز لاني والله خايف من غضب الله ولو تعرفون غضب الله وشلوون ماتلوموني
العرض الشجري
