انتهينا

[خاطري]

ودّه بشي..
بس مادرى .. أو ماعرف
وشلون يبدا به .. وشلون يوصل له
وكيف .. وبأي شي
***
ودّه منى عمره تجيه ..
ودّه قبل طلعة فجر ذيك المدينه
تحتريه ..
من حبها.. من عشقها.. من طلة عيون المها
في سحرها ترمي عليه..
ولي غاب ماحد غيرها يوله عليه..
***
ودّه حياته تبتدي ..
من حيث ماظن العذول انه
بهذاك المكان بتنتهي ..
***
ودّه يقول السلام .. للي يستاهل سلامه
للي حبّه .. للي مات الحب وهو حي بغرامه
للوفي .. للصديق..للي يصدق في كلامه
***
ودّه يقول ابتدينا..
بعدما كنا على شي لهانا .. وانتهينا
ماعلينا.. دامنا حنا اساسا ماغلطنا
ماعلينا ..
دامني وياك ياقلب اصطفينا.. وانتهينا