معاناتي

[تفوق الوصف]

معاناتي

قصة حياتي ياناس من وين ابتديها=وغيم الحزن بأهل البيت وأركانه
والروح للي خلقها ممتحنها ومبتليها=شكاها للذي رزقها الصبر وغفرانه
والحمدلله رافع سبع البسيطة ومستويها=سبعٍ عمدها حامي البيت وعمدانه
اغفر لأبوي رحمتك للخلق تحتويها=واجبر عزا زوجته واعياله واخوانه
جنة الخلد يارب جعله سكن فيها=ياكل ثمرها طيبها وعودها وريحانه
وعسى بردها ونفحها الطيب يخاويها=للذي غربٍ عن الديرة حدر الثرى عنوانه
فرقا اعز الناس شب بحالي بلاويها=ولع هاجسٍ بالحشا والهم وألوانه
وعلى الذي شقت جيبها وبان خافيها=أسباب فرقا الولايف بدموعها غرقانة
شكاها لمعشي الطير ماخابت هقاويها=تبات الليل ماغمضت عينها سهرانة
يالله دعا من للسماء ترفع ايديها=فرج ولدها ورحمة الله سبحانه
مجيب دعا يعقوب بين صبح وعشيها=رد له يوسف وأبصر به عينٍ عميانه
يامن ترتجي به الخلق وتغفر خطاويها=واسع الرحمة وظن من ترجاك ماخانه
وصلوا على المختار إعداد ماحان طاريها=الهاشمي اللي أظهر الحق وبانه

[align=left]للشاعر: أبو متعب[/CENTER]