الســ عليكم ورحمة الله وبركاته ــلام
حياكمـ الله
واعتذر في البدء لكلـ من يقرأ هذا الموضوعـ لأنه صريح شوي بس أتمنى انكمــ تستوعبونه صح وللمعلوميه لاأقصد احدا بعينه وانما اوجه الكلام لكل اعضاء المنتدى بمافيهم اناا
شئ يضيق الصدر انك تنسب شئ مولنفسك وتلاقي عليه الاستحسان والاعجاب من الآخرين.
وش راح تخسر يلي تكتب موضوع رائع نقلا عن كاتب آخر انك تكتب كلمة منقول على الأقل راح تكسب اعجاب الآخرين بمصداقيتك ومدى ذوقك في الإختيار الحلوو
وش ذنب اللي تعب وكتب الموضوع وحط فيه من روحه وشخصيته واسلوبه تجي انت وتنسبه لنفسك بدون ماتنوهـ انه منقول!!!
انقلوا مواضيع ماهي مشكله بس اكتبوا منقول .. اضيفوا عليه شوي من روحكم واسلوبكم لانه مهما انطلت الخدعه على بعضنا في نسب ماهو للغيرمع الوقت راح تنكشف الخدعه من الاسلوب والأخطاء في المواضيع والردود الارتجاليه.
ناس تكتب مواضيع للنقاش واسلوب ادبي راقي ورائع وتنبهر فيه وفجأه يوم انك ترد عليه وتناقشه في موضوعه يرد عليك بردود اسمحوا لي احيانا ماتحس لها معنى
يسلموووووووووو
هذا ردك؟
اضفت موضوع للنقاش طيب ناقش ردود الأعضاء خلهم يصدقون انك انت كاتب هذا الموضوعـ ومايعتقدون انك انت ماخذ شي ماهو من حقك
في اعضاء رائعين ينقلون مواضيع ويعطون خبر انها منقوله وتجد عندهم اسلوب رائع في الرد والنقاش وإدارة الحوار.
هذا شئ طيب اظهروا شخصيتهم واسلوبهم وبطريقتهم الخاصهـ
وشعراء وموهبين يكتبون خواطر واشعار اقل مايقال فيها انها رائعه وببساطه ياخذها البعض ولايقول الخاطره لفلان او القصيده لفلان!!!!
تفرح يوم يجي الأعضاء يقولون الللللللللللللله مااجمل ماكتبت وماابدعت ؟
قالوها وهو يظنون انهم امام المبدع الحقيقي لتلك الكلمات !!
قالوها وهويعتقدون انهم يخاطبون مشاعر حقيقه للشخص اللي كتب انها له!!!!
وربي راح تفضح نفسك تدري متى؟؟
يوم تجي ترد على خاطره اعجبتهم او قصيدة سرقتها.
راح يلاحظ الأعضاء إختلاف الأسلوب من إبداع إلى درجة عادي وأقل من عادي في ردودك إللي ماترقى لمستوى ماسُرق
وربي ضاق صدري بالمره من اللي لاحظته بالمنتدى وكتبت لكم هذا الموضوعـ
لأنه وببساطه اللي يكتب موضوع نقلا عن منتدى او كتاب او يكتب خاطره او قصيده ويتلقى عليه الثناء يعتبر
ســــــــــــــــــارق و ســــــــــــــــــارقهـ
واسمحوا لي هذي هي الصفه الحقيقه اللي تقال لمن يفعل ذلك
وش اللي ممكن نقوله غير كذاا
مااظن في كلمة لطيفه تقال وصف لما يفعله البعض لأن مافعلوه لايستحق ان نصفه بصفه لطيفه
للجميع قد يسهو البعض ولكن ليس الكل عن ذكر ان الموضوع منقول او القصيده منقوله لحظه كتابته للموضوع لكن لماذا عندما يجد الثناء في الردود على ماكتب
لماذا لايعود مجددا لما وضعه ويضيف كلمة منقولـــ ويوضح للأعضاء ان ماكتبه ليس له اذا فعلت ذلك تكون قد وصلت للقمه .. القمة في الأمانه والصدق
وممكن تعجبك فكرة موضوعـ مو مشكله استفيد منها واضف عليها من اسلوبك بس خلك امين وقول الفكره ماهي لي
او تكون الفكره لكـ مع اضافات من مواضيع اخرى لازم تنبه
بكل الاحوال ماعندك ابدا عذر
بالنسبه لي انا انقل مواضيع ايه صح بس انبه واقول انها منقوله .. من منتدى .. من إيميل مثلا ... او حتى من كتاب ....
واحيانا انقل وانبه لكن مع هذا اضيف على الموضوع من اسلوبي .
واتمنى اي عضو يجد مثل هذا الشئ بهذا المنتدى ياليت يرسل بالخاص لإدارة المنتدى بأي عضو يضع موضوع منقول وينسبه لنفسه
كلمة اخيره قرأتها واحب انقلها لكم لكن مو بالمعنى الحرفي باللي اتذكرهـ منها
تستطيع ان تخدع بعض الناس كل الوقت
وتستطيع ان تخدع كل الناس بعض الوقت
لكنك لاتستطيع ان تخدع كل الناس كل الوقت
وسلامتكمـ
العرض الشجري
