يا زين ودي بك ودونك حواسيــد=ناسا تفرق شملنا كل ساعــــه
ليا اجتمعنا فرقونا المقاريد=اهل القلوب السود واهل الوجاعــه
لا عاد ما بيني وبينك مواعيد=ولا تستوي لاهل المحبه قطاعه
يوم اشوفك فيه عندي تقل عيد=والهرج من يمك يطيب استماعه
وبعدك على قلبي قراده وتنكيــد=واخاف من حب يسبب ضياعه
حبك بقلبي شيد بناه تشييد=وبنيت لك قصراً طويل ارتفاعـــه
وبنيت بالقلب جسر من حديــد=وزرعت حبك في الضمايـــر زراعه
ماني مدور سيد وانته لي السيد=انت وديعي واحتفظ بالوداعه
يا زين نبغى منك علماً وتاكيــد=وابغى تعلمني طريق السناعــه
اما نسوي مثل عليـــا وبو زيد=والا اتريح والمناهج وساعــــه
العرض الشجري
