حاتم يهدي لكم ابيات تحكي عن واقع عاشه ويعيشه
فاقبلوها بكل مافيها من حب وفرح وحزن
واقبلوها بكل مافيها من تشنج وهذيان وارتباك
قلبي اللي نهيته مايبي مني نصايح
آه ياقلبي خساره ينهدم حب<ن> بنيته
شيدت اكبر حضاره عطرها بالحب فايح
صرت ياقلبي سياحه يقصدك منهو بغيته
علمه انك ظميته وعلمه انه قرايح
وعلمه انك ملكته وعلمه انك هويته
كيف ياعالم خذاني وارتكب فيني فضايح
حبه اللي ملكني بطوعي آنا شريته
حبنا فيه نتباهى صدق ماهو ملايح
حبنا بالظل وارف من نهر قلبي رويته
مثل مانا كتبته هو كتب فيني مدايح
ومثل مانا شربته الشهد آنا سقيته
عشنا ايام<ن> هنيه صافيه مابه نوايح
ننتظر ثمرة هوانا والمهر قلبي عطيته
والظروف اللي جمعتنا قطعت قلبي شرايح
وقفت ضدي وضده واعتقد اني كليته
كل واحد من صوابه يندبه حظه وطايح
اقسم بربي حقيقه..مانسجته او رويته
كلن يدور نصيبه داري<ن> مامن ربايح
حظنا يومه تردى ...يعتذر اني بليته
بس ياناس فعلا بذرته صارت فلايح
حبه بقلبي ترسخ وارتفع بالعشق صيته
وسلامتكم
اخوكم
حاتم
العرض الشجري
