قصيدة البرتقـــــــــــــــــــــاله

[نــايف]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
البُرتقـالـه


وش يضـر (( البُرتقالـه )) والرجاجيـل ,, القشـور
مابـقـى رجــال فيـنـا .. ماسـمـع باالبُرتقـالـه

بــس مافيـنـا ولا رجــال ناظـرهـا .. غـيـور
والدليل : (( أبو البنيّه )) من يجـي فينـا .. بدالـه..؟؟

ليه (( يابنت العراق , الماجـده )) هـذا السفـور ..؟؟
هل كذا (( حُرية الشعـب العراقـي )) وإحتلالـه..؟؟

من سلب منك الإراده \ واغتصـب فيـك الشعـور..؟؟
الحيا .. فينـا (( مـن الله )) وش أدوات إغتيالـه..؟؟

هل صحيح إنك (( بعشره )) ياصبيـه .. للبـزور..؟؟
هكذا قرأت في (( إحدى الصحف )) تِلـك المقالـه..!!

أطربينـا ياحزينـه .. وإبعثـي فيـنـا .. الـسـرور
ارقصـي لأحـزان شعبـك ,, واطربيـنـا للثمـالـه

ياجميلـه .. وش أشاهـد فيـك أثنـاء الظـهـور..؟؟
وجهك الطاهـر \ تشـوّه مـن (( تخاذلنـا )) جمالـه

هــزي الإيـمـان فيـنـا ,, ياموْلِـيـة الـدبــور
واقـع الأمـه مريـر (( وصمتنـا المُطبـق )) دلالـه

مافهمنـا عاقبـة (( إن حُصّـل مافـي الـصُـدور ))
كيف نفهمها (( يارقاصه )) وأنا .. ويـاك .. دالـه..!!

المصيبـه (( شايـب الرحمـن )) لاشافـك .. يخـور
من طلعتي \ قام يطرد , عن (( تلفزونه .. عياله ))..!!

واجد اللي قالوا : إركـد .. قلـت : لاوالله .. بأثـور
دامني (( مؤمن )) فأنا \ ميقن بأن عندي \ رسالـه..!!

من يعيش اليـوم ,, باكـر يصبـح مـن أهـل القبـور
والا انا . كل يوم (( موتي )) أنتظر .. حطة رحاله..!!

جيت أنادي (( للفضيله )) ياعـرب .. بيـن السطـور
والفضيلـه مستحيـل تكـون (( بدعـه أو ضلالـه ))

إنزلـوا (( لاهـل الشـوارع )) يامقيميـن القـصـور
إحتقار (( الفكرالآخر )) يُعتبر حُمـق ,, وجهالـه..!!

شرقنا الأوسط .. تزامت (( من معاصيـه )) البحـور
إفطنوا (( للشرق الأوسط )) قبل يأذن ,, بإنحلالـه..!!

التّفُحـش \ زاد فينـا .. وإنتشـر فينـا .. الفـجـور
الوعي \ أصبح جريمه ,, ونضرة الواقع \ خمالـه..!!

قمت أشوف (( بنِيـوات الديـن )) يربطـن الخصـور
والشباب (( موظفين )) اليوم فـي بنـد \ البطالـه..!؟

بعض (( تجـار العروبـه )) للقيـم .. علـة انحـور
البـلاد الينزلوهـا .. بدلـوا (( هَلهـا )) عمالـه..!!

مايصيـر إن (( الفقـارى )) مايلاقـون .. الفـطـور
والغني \ مُسرف على (( معزوفة المنكر )) اريالـه..!!

في مثل هاالشعـر هـذا .. ودك الواحـد \\ حضـور
والله يخلـي لنـا : شعّـار يـالالـه .. يـالالـه ....

ومن يبي ياطا .. على (( الجُره )) حلالـه .. لايـدور
كاني أزعلته بكلمـه \\ هـذا انـا .. كلـي حلالـه ...

لاأنا (( مُصلح سياسي )) ولانـي (( معقّـد أُمـور ))
من قبل مني \ شكرته ,, ومن رفض \ مالي .. وماله..؟

[/poet]