انا اكره كل البنات

[القلب الحزين]

أنا اكره كل البنات
لا تستغربون هذا الكلام مني صحيح الكلام هذا أنا قلته بأعلى صوتي ولكل الناس أنا اكره البنات وبقول لكم القصه وأنتم احكموا :

أنا من النوع العاطفي والحساس جدا جربت الحب وأنا صغير وكان وقتها عمري مايتجاوز 17 سنه وكنت احب اول فتاة دق لها قلبي واعطاها كل مايملك لدرجة إني اجن لو غابت عن عيني يوم واحد بس وكانت حبيبتي اكبر مني بسنتين تقريبا وكنت اظن انها تبادلني بنفس الشعور لكن اكتشفت بعد شهرين من علاقتنا ان كان لها علاقه مع واحد يقرب لي وليته يقرب لي بالعكس كان اقرب الناس لي وللاسف كانت تلعب علينا حنا الاثنين وبالصدفه إلي يقرب لي صارحني وقالي بقولك شيء بس لاتقول لاحد لأنه هو دايم يحب يحفظ اسراره عندي وأنا احفظ اسراري عنده وللاسف قال لي يابدر تدري أنا لي علاقة حب مع فلانه من الناس ما درى ان فلانه من الناس تطلع هي حبيبتي إلي أنا احبها قمت مثل المجنون مو مصدق انتظرت باكر ولما حضرت سألتها وللاسف حاولت تنكر ثم اعترفت . وليتها اطعنتني ولا قالت أنها تحب غيري ماكنت اتوقع إن النساء مايخونون كنت اتوقع ان الخيانه من طبع الرجال.
ناظرتها وأنا اقول في خاطري هذه الابيات :


حرمت النساء لو فيهن كاملات الزيين **** مثـــل ما تـحـرم الأم عـلى الخـال
عـفـتهم وعـافـهـم قـلبي وكـل مـا فيـن **** بدرهن اصبح اليوم عندي اهلال
دام حبيبتي منهـم ويـرجع اصـله لوين **** للنساء خائنات عهود كـل الرجال
حبيبتي ألي ما حفظت عهـدي بشهرين **** كـيـف لـو عهـدنا مع الزمن طال
حلفت يمين الله وغيـره ما تـثـنى يمين **** إن حـبكـم ما يـطـري عـلى البـال




سألتها وقلت وين العهد ألي بينا وين ألي تقول اني احبك وما احب غيرك وين ألي بنـيت احلامي معها وين ووين الحب طلع بالنهايه كذب طلع بالنهاية خيانه .
قالت بكل برود أنت وش يدريك عن الحب توك صغير . قلتلها الحب مايعرف صغير وكبير . الحب ماهو مثل ما انتي تتصورين لكن خساره شوهتي الحب في عيني ليتك ماقلتي إنك تحبين .

وقلت لها هذي الابيات اعاتبها :

يـا بـنت لا تـقـولـيـن إنـك تحـبين **** الحب ما هــو كـلام بـس يـنقـال
الحـب لـه وسـط الـضـمايـرحنين **** لـلـي لـه الــقـلب يـا بـنـت مـال
ليتك تعـرفين الحـب ليتك تعرفين **** كـم يـشـقي الـفـكـر ويعـذب البـال
كـم ضـاعت بدروبه للهوى سنين **** قضى عمر المحب ولا للحب نال
ما جنى غير دموع رسمتها العين **** وجـرح بالـقـلب انهد منه الحال
يسهر الليل لوحده مهموم وحزين **** يرتجي مـن حبيبه لحظـة وصـال
عـرفـتي إن مبتـلى الحـب مسكين **** ضائع ما بين تحقيق حلـم ومحال
الحب ما هو مثـل ما أنتي تزعمين **** الخيانة ابد ماهي بشرعه حلال
الحب ما هو لعـبـتـن بـيـن اليدين **** ولا قلوب الـبشـر تـشـرى بـمال
وإن كانك يا بنت بالحب ما تدرين **** ارجعي لحبي فيه لك اصدق مثال


اتمنى القصيده تنال اعجبكم من إن لها ذكرى اليمه في نفسي واعتبرها صفحه سوده من حياتي اتمنى انساها .